#_عجينة
#_المعجنات
#_بلاطو
السلام عليكم نتمنى تكونو لاباس نقدم معاكم بلاطو مشكل بعجينة لياغورت المعتمدة عندي مكتحشمنيش تتجي روعة ولاجايين الظياف تيحمر لوجه غنعطيكم مقادير لعجينة
2زلايف الفروص عامرين
نصف زلافة فينو
ياغورت طبيعي علبة كاملة
نصف كاس صغير زيت المائدة
ملعقة كبيرة خميرة
ملعقة صغيرة ملح وملعقة صغيرة سكر
والقليل من الماء الدافئ للعجن
اول حاجة حشوة الدجاج تنحتاجو سدر دجاج مقطع قطع صغيرة واحد بصلة مشلظة زيتون مقطع معلقة صغيرة ثومة يابسة وراس معلقة صغيرة قرفة راس معلقة صغيرة بزار معلقة صغيرة ملح ربيع مقطع والقليل من زيت لبلدية والرومية تنديرو كلشي في كاسرول تنعمروعليهم بالماء لغطيهم ونخليهم اطيبو بالمهل حتي جوب لبصلة وانشف من الماء ونزيدوهم 2معالق صغار هريسة ونخليهم ابردو عاد نعمرو لعجين
الحشوة الثانية ميني بطبوط
طون 2مطيشات مقطعين كاشير محكوك حسب الرغبة زيتون اسود مقطع ملح ابزار شوية زيت الزيتون مايونيز وشوية من الذرة تنخلطوهم ونعمرهم لتزين خص وفرماج
الحشوة الثالتة ميني برغر
كفتة وربيع مقطع ومعلقة من الثومة يابسة ومعلقة كبيرة بصلة يابسة وبيضة قليل من زيت الزيتون وشوية ملح ومعلقة صغيرة تحميرة معلقة صغيرة سكين جبير تتخلطي هاد لمقادير مع لكفتة مزيان وتخليها شوية ومن بعد طيبيها في لبانيني ولا دوزيها في شوية زيت وتتفتحي كريصات ديال لبرغر وديري فيهم شوية من المايونيز والكتشوب وديري لخص ولكفتة من بعد مطابت و فرماج سوندويش
الحشوة الاخيرة ميني بيتزا
تتشحرو واحد فلفلة خضرة وحمرة مقطعين في زيت بلدية ومن بعد تشحرو شوية لكروفيت مقطع ووحدين تخليهم صاينين لتزيين من بعد تتديرو شوية من صوص مطيشة طايب مع زعتر وتتديرو شوية طون والكروفيت والفلفة زيتون كحل والفرماج وتتزينو بكروفيتة
Негізгі бет جايين عندك ظياف اليكي بلاطو مشكل من عجينة الياغورت الهشة وبحشوات متنوعة ولذيذة من عجينة واحدة
Пікірлер: 39