يا اله تخضع لطاعة كل الجباه
يامرسي الارض بهضابها واجبالها
استعنتك وانتي الهي ولا غيرك إله
تعقد انفوس الاوادم عليك امالاها
استهلت غيمة الشعر من كل اتجاه
بعد ماهب الهواء واستخال اخيالها
مزنةٍ كنها حصاة من اجبال الحصاه
تروي الشعب السناوي وهي بلحالها
شاعراً جزل القوافي تحت فية عصاه
دكها في مدح ربعة وتل عقالها
ياعوال عجيم ياضلعٍ يذري ذراها
من يمد ايديه لامجادكم ماطالها
مرحبا الترحيبة اللي تشد الانتباه
فالها الهيل وفقار الحوار اعقالها
باسم ربعٍ وسمهم يمن الابل والرعاة
روس قوم ماتحسّب لروس اموالها
ورث عود يفّنِي المدح مايفنى نباه
يكسب الطالات من جالها لا جالها
في محل اخوان جوزا المطانيخ الدهاه
ترثة اللي كايدات المراجل نالها
جدهم فهاد يذكر كثر ذكر الصلاه
جعل روحه في جنان يظل ظلالها
ارث زحول ٍ خذو كل ناموس خذاه
النواميس احصوا انواعها واشكالها
المدايح مالها فاكثر العالم طراه
والمدايح فيهم العب على موالها
يافلاح وكل مجد بلغتو منتهاه
من زمان ٍ تنشد الخيل من خيالها
فعل ابيكم لو محى الوقت غيره مامحاه
سمعته وصلت نجوم السماء وهلالها
طول عمره ماسمع غير ( يامال الغناه)
كل من وقف على باب بيته قالها
تطرب اذنه من خلاج عشرا وخوار شاه
ماقناها غير يملا الصحن بعيالاها
ينحر المفرود للضيف لامنه نصاه
كم خلوج من فعوله ماسرك حالها
ضيفٍ يرحب به وضيف يقدم قراه
عودٍ كبار المواقف شرب فنجالها
يفخرون عوال مبخوت في حفظ بالوصاه
يوم وصى العود كل يقول انا لها
كملوا نهجه وكانه على قيد الحياه
وقالو الحسنه لابينا بعشر امثالاها
ولطمو شوط المدايح بفعل وكبر جاه
كل منهم لا ارتكى للثقيله شالها
ما انقطع ذكر ابن صمعان واعواله وراه
كاسبين الوقفة الكايدة وابطالها
ان رضيتو قل لبقعاء تباشر بالنجاه
وان زعلتوا قل لبقعاء تطول بالها
كلمات مشعل العرجاني
اداء جفران بن هضبان
حفل زواج فلاح بن مبخوت ال صمعان
Негізгі бет جديد جفران بن هضبان كلمات مشعل العرجاني 2021 حفل زواج فلاح بن مبخوت ال صمعان
Пікірлер: 2