جديد ♪ مجرودة العالم تغير || ابراهيم الشتيوي # عزف محمد البصيلي 2021
بإسمك يالهـــادي بدينا
يالله تــرد أهـــاليـنا
عبلادي واديــاري سينـا
شبعـــنا غـربه يخـوان
اليوم افلحن المجـروده
ابيــاتي فيها مقصـوده
للهامل مخــلف اوعـوده
يلعب على سبـع اللـوان
الصـاحب اللـي صاحــبته
مع المصــالح ماشفــته
غيّـر عن الهــيّه جهـته
او دوّر ثــاني خــــلان
واكـبر مصــيبه مـرتني
عرفــته ومـا عــرفنـي
يفــلان نـاديتـه كسـفني
ايــقول منهو انت يفلان
مشـكورة يادنـيـا مشكوره
وضّـحتـي ليـنا هالصـوره
الطيّـب مــيّت جمـــهوره
والهـامل له قـدر وشان
من شـٌان اشــويت فلوسـه
العــالم ودهـي اتبـوسه
لا والله انـــّـك تــدوســه
خسـران من جــاه خـسران
يادنــيا ليـش خـــليتي
العــايـب ياكل في بيتي
من بعـد المـلح والزيتي
جزاتـي اليـوم نكـــران
العــالم هـــذا تغـيّـر
واســــواته والله تحـــيّر
خلـــت الهــامل اكبـيّر
وخــلت كـــلامه ميــزان
والدنـيا يابـو عويــظ
مافيـهي واحــد امريـظ
يابخت اللي فيها احظيظ
عنده شـــرواك رفقــان
امّــا يادنــيا غريــبـه
اعطيـتي للهـامــل هيـبه
والسبـع فاضــيه جـــيبه
والهـامل جــيبه ملــيان
والنـاس تمشــي بالعكسـي
بتقــيمك غـيـر بالتكـسي
وايفونـك واوعا الجـلاكسي
ومشــروبـك مارت دخـــان
ولبســـك غير عالمــوضـه
وتشــرب الا من الصـــوده
او ركـز على البــــرموده
او فكك من عــلم كــــان
علّـمّني يا بـــو فـــراج
وشلـون بالقـــالي اعـلاج
واقــلوبنــا مثـل الساج
مليـــانه حقــد واضغـان
ويالله يــارب البــــرايا
اكشف لـــي سـود النوايا
واللي نــوا في أذايـــا
بنـار جــازيــه يارحمان
على الله يـــازمــن فـــات
فيه النــــوايا صفــيات
ماهــو مثـــل هالاوقــات
بنفــوسنــا كــل شيـطان
واتمـم واخـــتم كـــلامي
بالصـــلاة والســــلامــي
على النـــبي الامــــامي
الهــادي عظـــيم الشـان
قناة تراث للدحية والهجيني
للتواصل تيلغرام على الرابط
t.me/vip5005
حسابنا على الانستقرام
/ s1tna
جميع الحقوق محفوظة
© Powered by Takwene
#ابراهيم_الشتيوي #قناة_تراث
..
Негізгі бет Музыка جديد ♪ مجرودة العالم تغير || ابراهيم اشتيوي # عزف محمد البصيلي 2021
Пікірлер: 137