الشيلة حصرية 🛑
يامجلس الامة بكررها وقول 🔥
جاك الدليهي والعلوم موثقة 🔥
مهداة للمرشح دليهي بن سعد شويّع الهاجري
كلمات سعد الهويدي
اداء جفران بن هضبان
كلمات الشيلة :
الهاجس الشعري يجي حسب الاصول
بالموقف الغصاب قافه يطرقه
ما يظهر الا في مواقيفن تهول
ما يظهر بضحك وسوالف طقطقه
فكري لا منه دق زر الكنترول
جات البيوت الي ماهيب املصمقه
قابلني الله ماني ادور قبول
واغني ابيات القصايد من ثقه
وجهي طويل ومتني ايدف الزمول
يوم الردي مغسول وجهه بمرقه
مانيب شاعر هايد بارك وقيت مول
الي يدور من هل المال اصدقه
ماهوب وقت الحكي ذا وقت الفعول
كلن يزهب للملاقاااا بندقه
ما حن عيال الي يقول وما يطول
حنا عيال الي ما يصقط بيرقه
هواجرن ترثة مطانيخ و زحول
النصر لو انه صعيب انحققه
اليا تعلينا على اسروج الخيول
ايشين وجه الخصم وايبش اعرقه
نقبل على الاخصام كن مابه اعقول
ودم العدو بالسيف الاملح ندفقه
واليا زهمنا بـ قحطان اهل الفعول
قحطان عن عشرة فيالق فيلقه
يوم المعارك والدمي مثل السيول
اخصام قحطان العريبه مرهقه
العام راح ودار عقب العام حول
واليوم بأذن الله شمسً مشرقه
يا مجلس الامه بكررها واقول
جاك الدليهي والعلوم اموثقه
استقبلوه وزينو باب الدخول
جاكم يمثلنا ويحمي منطقه
هذا السنه بأذن الله العقد امحلول
قرمن له اجتمعت جموع امفرقه
عند الحمايا ما يجي فينا خمول
ما في مسامعنا على الداعي صقه
دون الدليهي نشقل اثقال الحمول
والجمر الاحمر من ينوشه يحرقه
من حطنا محزمّه ما شاف الخذول
ياا سعد من حنا حزامه وافشقه
وشلون ما يفرح بنا الوجه القبول
وحنااا السجين اليا زهمناا نعتقه
يبو سعد منهو يعارضك امهبول
معك عيال امضيم واهل المنطقه
بالموقف امبيّن وبالفزعه عجول
تطلق حجاج الي حجاجه ما اطلقه
هاضت هجوسي عقب ما اعلنت النزول
وسويت من صمخ البيوت امعلقه
حبلين موجوده يا واعين العقول
حبل النجاه وفيه حبل المشنقه
من طاحت اللوحه عباد الله تقول
نشره على المسمار ولا المطرقه ؟
الي هناااا ياللي تطقون الطبول
يا اهل الفتن ياللي تبون التفرقه
اللاش اشوفه كنه الترف الجفول
اطلقه ويروح مثل امطلقه
يا اهل الميول انا ما احب اهل الميول
الي يحب الميل مالله وفقه
كرسي قبيلتنا ما تمحقه العذول
لو كان دونه تعترض كل امحقه
هنا الحمايا والمراجل والاصول
في روسنا واعروقنا متعمقه
قلت البيوت الي ليا قيلت تصول
تلجم حلوق اهل الحكي والوندقه
وابو سعد مثلْ مناعير وزحول
الله يجملنا معه ويوفقه
..
للتواصل والاستفسارات :
الحسابات الرسمية لـ قناة بصمة الابداع .
Official Whatsapp :
الرابط محادثة الواتساب المباشر :
wa.me/message/...
+966562778026
Official Twitter :
/ ms3d505
Official Instagram :
/ 2.q76
Official Snapchat :
/ ms3d.505
ـــــــــــــــــــ
Негізгі бет جفران بن هضبان 🔥 يامجلس الامة .. جاك الدليهي 🔥 مهداة للمرشح دليهي الهاجري 🔥 كلمات سعد الهويدي 2022
Пікірлер: 18