環球唱片推出《REMEMBERING Leslie》企劃向一代巨星 #Leslie #張國榮 致敬,第四波主打由姜濤重新演繹哥哥經典金曲《#追》,由徐浩監製,並跟黃兆銘共同編曲,保留原作韻味同時注入新元素。
《追》是經典電影《#金枝玉葉》主題曲,姜濤曾在音樂會上演繹,今次再唱感覺舒服:「以前喺演唱會都唱過,知道自己屬於中音嘅range(音域),佢呢隻歌都係中音區,首歌令我唱得好舒服。當然要聽番哥哥原版演繹,到重新去唱、編排過嘅時候,一定要有自己風格、唱法加落去,太依賴會俾人覺得太模仿,唔想俾人覺得係模仿,因為哥哥係模仿唔到。」
《追》的監製 #徐浩 跟姜濤合作無間,姜濤直言對方非常了解自己的風格及聲線,錄音過程相當順利:「雖然之前演繹過呢隻歌一次,但用新嘅編曲完整地演繹,係需要一邊唱一邊搵感覺,好彩比想像中順利,首先隻歌嘅range比較啱我,同埋同監製好熟,冇太多阻滯,本身預兩日錄,變咗一日就搞掂。」
至於對哥哥的印象,姜濤指從小由媽媽和親戚口中聽到他的名字:「8、90年代嘅嗰一輩親戚都好鍾意哥哥,由細到大都有聽佢哋播《追》呢隻歌。我有睇哥哥以前訪問,會感覺到佢好放鬆,係好自信嘅一個人。」電影《#家有囍事》亦令姜濤留下深刻印象:「對小朋友嚟講好鍾意睇,會覺得『點解佢可以將個角色做得咁傳神』,《#胭脂扣》都係我有去了解嘅作品,因為我都睇過梅姐(#梅艷芳),入面有個橋段我好好奇,就搵番套戲嚟睇,覺得佢兩個真係做得好好,因為好少藝人可以將唱歌同演戲都做得好好。」
除了唱功和演技外,姜濤亦非常欣賞哥哥風趣幽默的性格:「我哋而家做訪問多少都會有啲拘謹,可能人生閱歷未夠,好多人都有睇過哥哥《#今夜不設防》訪問,佢重新定義咗咩係Charm,唔會淨係鏡頭前一張相,而係你個談吐、氣質。而家啲節目唔會俾你食住煙去傾偈,但佢可以好Chill,嗰個年代嘅Artist嘅人格魅力係更加突出,哥哥係再突出嘅一位。」
#娛壹
-----------------------------
除了 CLS,亦歡迎你用 Super Thanks 支持我哋繼續用心製作🫶
有你哋支持,我哋會走得更遠
1. 喺 KZitem 影片下方(即係Like Dislike的一行)點選「超級感謝」(Super Thanks);
2. 選擇你想支持嘅Super Thanks金額,目前有:$HKD10、$HKD25、$HKD50、$HKD250四種選項;
3. 透過 App Store/Google Pay 來使用信用卡或預付卡購買,成功後畫面上會出現一個感謝的小動畫;
4. 而成功購買後,喺留言處亦會用彩色來凸顯你的留言,也會顯示你贊助的金額。
多謝你支持娛壹!☺
你的支持❤讓我們得以繼續前行🙌
請訂閱《娛壹》Patreon:
bit.ly/3hZtP25
Негізгі бет 姜濤足本訪問丨姜濤重新演繹《追》致敬一代巨星張國榮 「唔想俾人覺得係模仿,因為哥哥係模仿唔到」 向哥哥學習:佢重新定義咗咩係Charm(
Пікірлер: 272