Ghazal
arz-e-niyaz-e-ishq ke qabil nahin raha
jis dil pe naz tha mujhe wo dil nahin raha
jata hun dagh-e-hasrat-e-hasti liye hue
hun sham-e-kushta dar-khur-e-mahfil nahin raha
marne ki ai dil aur hi tadbir kar ki main
shayan-e-dast-o-bazu-e-qatil nahin raha
bar-ru-e-shash-jahat dar-e-aina baz hai
yan imtiyaz-e-naqis-o-kaamil nahin raha
wa kar diye hain shauq ne band-e-naqab-e-husn
ghair-az-nigah ab koi hail nahin raha
go main raha rahin-e-sitam-ha-e-rozgar
lekin tere khayal se ghafil nahin raha
dil se hawa-e-kisht-e-wafa mit gai ki wan
hasil siwae hasrat-e-hasil nahin raha
bedad-e-ishq se nahin darta magar 'asad'
jis dil pe naz tha mujhe wo dil nahin raha
har-chand main hun tuti-e-shirin-sukhan wale
aaina aah mere muqabil nahin raha
jaan-dad-gan ka hausla fursat-gudaz hai
yan arsa-e-tapidan-e-bismil nahin raha
hun qatra-zan ba-wadi-e-hasrat shabana roz
juz tar-e-ashk jada-e-manzil nahin raha
ai aah meri KHatir-e-wabasta ke siwa
duniya mein koi uqda-e-mushkil nahin raha
andaz-e-nala yaad hain sab mujh ko par 'asad'
jis dil pe naz tha mujhe wo dil nahin raha
📢 Stay Connected:
Follow us on social media to stay updated on the latest poetry recitations and more.
/ bananapoetry
/ bananapoetry
/ banana_poetry
Негізгі бет Jis Dil Pe Naaz Tha Mujhe | Urdu Poetry | Deewan-E-Ghalib S03:EP03
Пікірлер