જુઓ કેવી રીતે બને છે મખાના | મખાના બનાવવાની પ્રક્રિયા | Makhana making process
How to make makhana? | How is makhana made in factory
મિત્રો શું તમે જાણો છો કે મખાના ની ખેતી કેવી રીતે કરવામાં આવે છે?, આજના વિડીયોમાં તમને જણાવીશું કે મખાના તૈયાર કરવા માટે તેને કઈ કઈ પ્રક્રિયાઓમાંથી પસાર થવું પડે છે,મખાના ને એટલા પવિત્ર માનવામાં આવે છે, કે ઉપવાસ દરમિયાન મખાનાનો ખાવામાં ઉપયોગ કરવામાં આવે છે.
તમને જણાવી દઈએ કે મખાનાની ખેતી કોઈ ખેતર કે જમીનમાં થતી નથી, પરંતુ મખાનાની ખેતી તળાવમાં કરવામાં આવે છે, મખાના વાવતા પહેલા ઓક્ટોબર-નવેમ્બર મહિનામાં તળાવમાંથી નીંદણ દૂર કરવામાં આવે છે, નીંદણ એટ્લે કે જે કામ વગરના છોડ કોઈ પણ જગ્યાએ ઉગી નીકળે છે તેને કાઢી નાખવામાં આવે છે, અને પછી ડિસેમ્બરથી જાન્યુઆરી સુધીમા મખાનાના બીજ તળાવમાં આ રીતે વાવવામાં આવે છે, તમને જણાવી દઈએ કે મખાનાના બીજ કાળા રંગના હોય છે, મખાનાની વાવણીના થોડા દિવસો પછી જાન્યુઆરીથી ફેબ્રુઆરી વચ્ચે નાના નાના પાન આવવા લાગે છે, અને એપ્રિલથી મે મહિના સુધીમા આખું તળાવ આ ગોળ અને કાંટાવાળા પાંદડાઓથી ભરાઈ જાય છે, અને તેના મૂળ પણ ઘણા લાંબા અને રેશેદાર થઈ જાય છે, ત્યારબાદ એપ્રિલના અંતમાં નાના નાના ફૂલો પણ દેખાવા લાગે છે, અને મે ના પહેલા અઠવાડિયામાં મોટા પ્રમાણમાં ફૂલો દેખાવા લાગે છે, આ ફૂલો રીંગણી કલર ના હોય છે, જે ખૂબ જ સુંદર લાગે છે.
હવે મે મહિનાના અંતમાં ફળો પણ આવવા લાગે છે, મખાનાના ફળ કાંટાવાળા હોય છે, અને જો આપણે તેના બીજની વાત કરીએ, તો એક ફળમાં 70 થી 110 બીજ હોય છે, ત્યારબાદ જુલાઈ મહિના સુધીમાં મખાનાના ફળ તૈયાર થઈ જાય છે, તેથી તે પાણીની અંદર ફૂટવા લાગે છે, જેના કારણે તેના બીજ પણ પાણી પર તરવા લાગે છે, અને અમુક બીજ પાણીના તળિયે પણ બેસી જાય છે, અને આ બીજની આસપાસ આછા ગુલાબી રંગ નું આવરણ હોય છે, એક બે દિવસમાં આ ગુલાબી રંગનું આવરણ ગળી જાય છે અને તે સફેદ થઈ જાય છે, અને ઓગસ્ટ-સપ્ટેમ્બર મહિનામાં મખાનાના પાંદડા પણ ગળવા લાગે છે, ત્યારબાદ તળાવમાંથી પાંદડા સાફ કરવામાં આવે છે, અને મખાનાના બીજ જે પાણીમાં તળિયે બેસી ગયા હોય છે તેને બહાર કાઢવામાં આવે છે, જેના માટે આ ખેડૂતો લાકડામાંથી બનેલી આ મોટી ટોપલીનો ઉપયોગ કરે છે, આ રીતે મખાનાના બીજને પાણીની અંદરથી બહાર કાઢવામાં આવે છે, અને બધા બીજ બહાર કાઢી લીધા બાદ બીજને પગથી મસળીને એ રીતે સાફ કરવામાં આવે છે, કે બીજ પરનું આવરણ દૂર થઈ જાય, અને પછી આ બીજ પાણીથી સાફ કરી લેવામાં આવે છે.
ત્યારબાદ તેને બોરીઓમાં ભરીને આગળની પ્રક્રિયા માટે તૈયાર કરવામાં આવે છે, આ માટે આ બધા મખાનાના બીજ ને તડકામાં સૂકવવામાં આવે છે, અને પછી અલગ-અલગ સાઈઝના બીજને અલગ કરવા માટે ખાસ પ્રકારના સ્ટ્રેનર દ્વારા ચાળી લેવામાં આવે છે, ત્યારબાદ બીજને સારી રીતે ફેલાવીને તડકામાં સૂકવવામાં આવે છે, જેના કારણે તે કાળા રંગમાથી ઘેરા લાલ થઈ જાય છે, ત્યારબાદ આ બીજને તે જ દિવસે તવામાં શેકવામાં આવે છે, અને આ બીજને ટોકરીઓમાં ભરીને ઠંડી છાયાવાળી જમીન પર થોડા દિવસો માટે રાખી દેવામાં આવે છે, જેના કારણે બીજની સખત છાલ ઢીલી થઈ જાય છે, હવે આ બીજને ઘણા બધા તવામાં શેકવામાં આવે છે, મખાના શેકતી વખતે લોખંડના તવામાંથી ફટ ફટ નો અવાજ આવે એટલે તેને એક લાકડાના બ્લોક પર મૂકીને તેને લાકડાની બનેલી થાપી વડે મારીને ફોડવામાં આવે છે, જેના કારણે ઉપરની કાળી છાલ તૂટી જાય છે અને અલગ થઈ જાય છે, અને ત્યારબાદ આ સફેદ રંગના બીજ છટકીને બહાર નીકળી જાય છે, ત્યારબાદ મખાનાના ઉપરની છાલને વધુ સારી રીતે અલગ કરી શકાય એ માટે તેને આ મશીનમાં નાખવામાં આવે છે, જેથી કરીને એકદમ સફેદ મખાના તૈયાર થઈ જાય છે, અને પછી આ મખાનાને પેકેટમાં ભરવામાં આવે છે, તો આ રીતે મખાના તૈયાર થઈ જાય છે.
#factoryprocess #makhanamakingprocess #makhana #makhanamaking #makingprocess #howismakhanamade #makhanatree #makhanafacts #factingujarati #makingprocessingujarati
Негізгі бет જુઓ કેવી રીતે બને છે મખાના | મખાના બનાવવાની પ્રક્રિયા | Makhana making process
Пікірлер: 1