#गुठीचौर ❣️🙏
यो मन आजभोलि अ-शृङ्खलित बनेको छ । यो मन आजभोलि उडेको छ त्यसै त्यसै आकाशमा चरा उडेको झैं ! प्राकृतिक सौन्दर्यहरुसँग प्रेम बस्दै छ अर्थात् प्रकृतिलाई प्रेम गर्न सिक्दै छु,र प्रकृतिसँग मिश्रित हुन अथाह मन लागिरहेको छ ।
यी दृश्यहरु हुन् जुम्ला,गुठीचौर गाउँपालिका,गुठीचौर जुन क्षेत्र एउटा सानो उपत्यका अर्थात् तल्लो पाटन भन्दा फरक पर्दैन वरिपरि डाँडा,वनजङ्गलले घेरेको छ । गुठीचौरको छातीमा बग्छ सग्लो पानी, वन जङ्गलका खोचहरुबाट निस्किएका स-साना खोलाहरू अनवरत बग्छन् !
गुठीचौरको शिरदेखि पाउसम्म फूलेका छन् सयौं फूलका सन्तानहरु ! त्यसैमाथि स्वतन्त्रताको साथ उड्ने विभिन्न चराचुरुङ्गीहरूका आवाजले झनै मोहित बनाउछन् । गुठीचौरमाथि राज गर्न आउछन् एक हुल मान्छे र जान्छन् त्यहाँबाट,गुठीचौरको सौन्दर्यलाई झल्काउन आउछन् मान्छे !
त्यहाँ गोठालाहरुले झनै गुठीचौरलाई साथ दिइरहेका छन् । गुठीचौरको काखमा सुतेर । गुठीचौरसँग प्रेम गरेर ! जहाँ घोडा,गाई,भैंसी गुठीचौरका बुट्यान मिठाइँ मुख पारेर खान्छन् !
गुठीचौर जुम्लाको शान हो र बन्नुपर्छ र बनाउनुपर्छ । समग्र रुपमा हामीले गुठीचौरको प्रर्वर्द्वन,संरक्षण गर्नुपर्दछ जुनसुकै पाटोमा रहेर । जहाँ मान्छेहरु आएर प्रकृतिसँग प्रेम गर्न सकूँन् ! ❣️🙏😊
जय कर्णाली ! 🙏
Негізгі бет Jumla Guthichaur का सुन्दर दृश्यहरु मनै लोभ्याउने दृश्यहरु ❣️🌺1 August 2024
Пікірлер