1. Ngira mpere udusiga
Two, tudasigana mu kugenda,
Two, tuguruka kure cane,
Tukarenga impinga yarenze!
Ngira mpere udusiga
Two, tuzi guhibongoza,
Tumubwire ico ntamubariye,
Hambere tukibonana!
Refrain: Ncuti nkunda, ncuti mfise!
2. Ngira mpere udusiga
Two, tuzinduka kare cane
Two, tugenda tukagaruka,
Tukibuka ishami twaritseko!
Kuko ndamuheruka kera,
Yamara ntamwihakanye namba,
Ni we yankoroje aya mbere:
Yari intore mu rungamye!
Refrain: Ncuti nkunda, ncuti mfise!
3. Ngira mpere udusiga
Two, tuzi ibisaka n’ibisagara,
Tugende,Tumwongorere,
Iryo Umutima wamukunze ugona!
Yoba mu kibira kitazwi,
Canke mu musozi ya kure,
Ngira mpere udusiga,
Amenye intuntu n’agahinda mpfanye!
Refrain: Ncuti nkunda, ncuti mfise!
4. Mwa dusiga muguruka,
Muramubwira ka kajambo,
Mumuzindure umutwenzi, muti :
Ka gacuti kawe karacariho!
Mwa dusiga muguruka,
Muratera ka kavyino k‘iwacu,
Kamwe k‘intimba y‘umukunzi,
Muti : Sangwe Tiro ry’inka!
Refrain: Ncuti nkunda, ncuti mfise!
Негізгі бет Justin Baransananikiye (Orchestre National) - Ngira mpere udusiga
Пікірлер: 16