Қадыр Мырзалиев «Қызыл кітап» поэмасында экология мәселесін көтерген. Жер бетіндегі адамзат істеп жатқан зұлымдыққа қарсылық көрсете отырып, бүгін аң-құстар жер бетінен жойылып жатса, ертең адамзат та жойылуы мүмкін деген ойды айтады.
«Адам өрісі кеңіген сайын аң-құстың өрісі тарыла түседі» деп ақынның өзі айтқандай, адам баласы өзінің де табиғаттың бір бөлшегі екенін ұмытып, оған қол салғанын күйіне баяндайды.
Автор табиғатты қорғауды тек ел аумағында ғана емес, бүкіл ғаламшар аралық мәселе ретінде қарастырып, оқырманды Америкаға да, Африкаға да, Еуропаға да апарады, бір кездерде мұнда адам саудасы болғанын да айтады.
Кейбір халықтың жойылып кеткенінен шошынады. Қандай да болсын, зорлық-зомбылықтан бас тарту қажеттігін түсіндіреді. Бір кезде елімізде мекендеген аңдарды түгендейді, соларды жоқтайды.
Негізгі бет Қадыр Мырза Әлі. "Қызыл кітап" буктрейлер.
Пікірлер: 44