7 тамыз күні 12 тамыз - Халықаралық жастар күніне орай, Ұлттық онкүндіктің шеңберінде Ақтөбе қаласының жастар ресурстық орталығы мен «Жасыл ел» еңбек жасағының бірлесе ұйымдастыруымен Республикалық «Таза Қазақстан» экологиялық акциясы өтті.
Акцияның мақсаты - қала жастарының бойына патриотизмді насихаттап, жастарды табиғатты аялауға, қорғауға, қоршаған ортаны таза ұстауға шақыру, азаматтық жауапкершілікті арттыру, экологиялық сана мен экологиялық мәдениетті қалыптастыру және нығайту.
Экоакцияға орталық қызметкерлері, белсенді жастар, тілшілер, Астана және Алматы аудандары Пробация есебіндегі жастар және «Жасыл ел» еңбек жасағының жастарынан құралған 100 аса қала жасы қатысып, «Қаржыгерлер» скверін қоқыс қалдықтарынан тазартып, ортақ мекеннің көркеюіне өз үлестерін қосты. Акция барысында 300 жуық қап қоқыс шығарылды.
Экологиялық акцияға қатысушылар орталық тарапынан санитарлық құрал - жабдықтармен (тырма, күрек, сыпырғыш) және қапшықтар, арнайы қолғаптар мен экологиялық акцияға арналған футболкалармен қамтамасыз етіліп, олардың тасымалы үшін автобус көлігі шығарылды.
«Таза Қазақстан» акциясы бұл жәй ғана сенбілік немесе қатардағы акция емес! Бұл біздің ұстаным! Еліне, болашағына, ұрпағына алаңдайтын әр азаматтың позициясы! Елдің тазалығы, жүрегіміздің тазалығының көрсеткіші!
#ақтөбе #жастар #ақтөбежастары #aqtobejastary #сенбілік #субботник #жастаркүні #деньмолодежи
Негізгі бет ҚАЛАМЫЗДЫҢ ТАЗАЛЫҒЫ - ЖАНЫМЫЗДЫҢ ТАЗАЛЫҒЫ
Пікірлер