Ырымдарға сенуге болама⁉️
«Қазақ ырым етеді, ырымы қырын кетеді» деген бабаларымыз бұл сұраққа әлдеқашан жауап беріп қойған. Мысалы дін ғұламасы Ғұмар Қараш 1910 жылы «Ойға келген пікірлерім» атты еңбегінде: «Қайдағы бір ескі ырымға сыйынып дін жасау мұсылманға лайықсыз» деген екен. («Замана жинағы», 175-б).
📖Ал Шәкәрім Құдайберді бабамыз
: «Мұсылмандық шарты» кітабында: «...Құмалақ салған, жауырын жаққан, бір нәрсені ырым қылған - бәрі солардың жолдасы. Бәрінен де аулақ болу керек. Осындай адамды жаман үйретіп, не болса соны әдейі қылғызып, бейне бір сондайды білім қасиет шығатындай көріп тұрады. Тастың үңгірін, жалғыз ағашты әулие деп, мал түнетіп, әлем (шүберек) байламақ - бәрі осындай жаман іс. Егер де сондай дағды қылған бір нәрсені қойғанда, бір қазаға ұшырасаң да одан деп ойлама. Зинһар сақтан, бір Алла Тағаланың Өзінен басқадан пайда, зиян жоқ. Не болсада Алланың пәрменімен болады. Ондай нәрселерде түк қасиет жоқ»-деген.
Негізгі бет Қара мысық жолыңды кессе…
Пікірлер: 1