Ясауидің ара зікірі. Кезінде, 2011-ге дейін Ақтауда қарилар дайындайтын медіресе болған. Сол жерде үнтаспаға басылған күнделікті салынатын зікірдің бірі.
Аудио нұсқасы "Ясауи мұрасы" телеграм каналында t.me/Iasawi
Қарилардың ара зікірінде айтылған хикметтер мәтінімен:
1. 00:37 "Һу алқасы"
2. 02:52 "Опасыз фәни"
3. 06:30 "Ей, сопы"
4. 10:45 "Пейіш пен Тозақтың айтысы"
5. 14:05 "Дәріл бақиға өту"
6. 17:00 "Таһлил соңы"
00:37 "ҺУ АЛҚАСЫ". Ахмет Ясауи
Һу алқасы құрылды,
Ей, дәруіштер, келіңдер.
Хақ сыпырасы жайылды,
Қалыпқа нәр беріңдер.
«Қал» ілімін меңгеріп,
«Хал» ғылымын етіңдер.
Жоқтыққа шым батыңдар,
Бардан мейірім алыңдар.
Жыртып шапқат пердесін,
Тілеп Дидар уәдесін.
Ашып көңіл зердесін,
Мүшахида болыңдар.
Һу арасын алыңдар,
Нәпсі басына салыңдар.
Күні, түні еңіреп
Хаққа құрбан болыңдар.
Алқа ішінде һу деңдер,
Ғашық отына жаныңдар.
Тәкпір айтып бір деммен,
Кәусарына қаныңдар.
«Һу-һу» деп, зар еңіре,
«Һу» демекте мағына бар.
Жетіп Хақтың кеніне,
Ақ жолыңды таңдап ал.
Құл Қожа Ахмет құл болған,
Жол үстінде күл болған.
Одан ғибрат алғанның
Жүрегінде Нұр жанған.
02:52 "ОПАСЫЗ ФӘНИ". Ахмет Ясауи
Қайырмасы:
Лә иләһә илл-Алла,
Илл-Аллада пайда бар, -
Білмеген жанға не айла бар?!
Барар жерің қараңғы,
Шамшырағың сайлап ал.
Опасыз фәни - бұл жалған
Жұтады жуан-жұқаны.
Малыңа сенбе құлданған,
Қурайдың ол бір бұтағы.
Қай жаққа кетті аттанып?
Пікір қыл соны, ау, көп халық.
Жетеді қуып ат-табыт,
Кигізіп жеңсіз лыпаны.
Қайырмасы:
Лә иләһә илл-Алла,
Илл-Аллада пайда бар, -
Білмеген жанға не айла бар?!
Барар жерің қараңғы,
Шамшырағың сайлап ал.
Аңдыма дүние қапысын,
Тірлік қыл Тәңірі хақы үшін.
Жей көрме жанның ақысын,
Қылкөпір ертең тұтады.
Ұл-қызың, досың жорықтас,
Ешбірі жебеп жарытпас.
Жігерлен, сілкін, ғаріп бас,
Ғұмырың желдей зытады.
Қайырмасы:
Лә иләһә илл-Алла,
Илл-Аллада пайда бар, -
Білмеген жанға не айла бар?!
Барар жерің қараңғы,
Шамшырағың сайлап ал.
Құл Қожа Ахмет, тағат қыл,
Ғұмырыңды қай жан санап тұр?
Топырақ пен судан жаратты -
Топырақ қайта жұтады.
Қайырмасы:
Лә иләһә илл-Алла,
Илл-Аллада пайда бар, -
Білмеген жанға не айла бар?!
Барар жерің қараңғы,
Шамшырағың сайлап ал.
14:05 "ДӘРІЛ БАҚИҒА ӨТУ". Ахмет Ясауи
Күн байқалмас Әзірейіл келіп қалған,
Ыстық тәннен әзиз жанды беру керек.
Бес-ақ күндік ғұмырыңды беріп қолдан,
Шара таппай ақыр бір күн өлу керек.
Ұлың-қызың жылар сонда еңіреп кіл,
Мүлкің қалар, малың тұрар мөңіреп тұл.
Дұшпандарың қуанысып жолы боп тұр,
Мойынсұнып сұлап түсіп көну керек.
Бар мұраң сол - аяқ пенен бастан байлап,
Ыстық суды құйып байқар шаштан жайлап,
Айналаңды алар сонда достар жайлап,
Алты кез ақ бөзден кебін кию керек.
(Лә иләһә илл-Алла,
Илл-Аллада пайда бар -
Білмеген жанға не айла бар?
Барар жерің қараңғы,
Шамшырағың сайлап ал.
Лә иләһә илл-Алла - иманымыз,
Бір имандай болмады жиғанымыз.
«Кун» деген бір әмірге жолыққасын,
«Фәякун» енді біздің болғанымыз.
Жаназаңа үлкен-кіші тегіс келер,
Көрстанда көптен бөлек сен ішке енер -
Жетпіс жерде сұрақ сұрар періштелер,
Бір-біріндеп жауаптарын беру керек.
Ғимаратты мазарында підә-көптің
Түрлі-түрлі ғаламатты қиял еткін.
Лахат атты есігі бар қияметтің,
Саясаттық үйге барып ену керек.
Кіріп көрсең, бір сәуле жоқ - қараңғы ерек,
Толған қайғы. Жан табылмас алар дерек.
Сол сағатта кім қылады саған көмек? -
Қияметтің таңы атқанша төзу керек!
Ақыры, сөйтіп, болған күні бар іс тәмәм,
Осы ісіңмен барсаң егер Дәріс-сәлам,
Адал емес жеген болсаң нәжіс-харам,
Дәл сол жерден жемісіңді теру керек.
Құл Қожа Ахмет, тоба қылғын өлмес бұрын,
Қызыл жүзің көрде жатып сембес бұрын,
Жылан-шаян көр ішіне енбес бұрын,
Қаза жетсе риза болып еру керек.
17:00 "ТАҺЛИЛ СОҢЫ". Ақ Ишан
ӘҺЛІ ТАҚУА ОПАСЫ -
ЛӘ ИЛӘҺА ИЛЛ-АЛЛА.
ӘҺЛІ ДІЛДІҢ САПАСЫ -
ЛӘ ИЛӘҺА ИЛЛ-АЛЛА.
САХРАЛАРДЫҢ ШАҢЫНША -
ЛӘ ИЛӘҺА ИЛЛ-АЛЛА.
АҒАШ ЖАПЫРАҒЫНША -
ЛӘ ИЛӘҺА ИЛЛ-АЛЛА.
ЖАҢБЫР ТАМШЫЛАРЫНША -
ЛӘ ИЛӘҺА ИЛЛ-АЛЛА.
ОЗАЛ МЕНЕН АҚЫРҒА
КӨПІР БОЛЫП САЛЫНСА
МАҒЛҰМ ХАҚ САНЫНША -
ЛӘ ИЛӘҺА ИЛЛ-АЛЛА.
Я, ИЛӘҺИ, ТАУФЫҚ БЕР -
ЛӘ ИЛӘҺА ИЛЛ-АЛЛА.
ПЕНДЕЛЕРІҢ ЖАЛЫНСА -
ЛӘ ИЛӘҺА ИЛЛ-АЛЛА.
АРМАН БАР МА, ӨЛЕРДЕ
ХАҚТЫҢ НҰРЫ АҒЫЛСА,
ТІЛІМІЗГЕ АЛЫНСА -
ЛӘ ИЛӘҺА ИЛЛ-АЛЛА.
ДІН ИСЛАМНЫҢ ТІРЕГІ -
ЛӘ ИЛӘҺА ИЛЛ-АЛЛА.
ХАҚТЫҢ ЖОЛЫ ЗІКІРДЕ
ЖҮРЕГІҢДІ НҰРЛАНДЫР.
СЕНБЕ ӨЗГЕ ПІКІРГЕ
ЛӘ ИЛӘҺА ИЛЛ-АЛЛА.
БҰЛ ЖАННАТТА ТҰРҒАН НҰР,
САН МЫҢ МӘРТЕ ҚАЙТАЛА.
ИМАНЫҢ ТҰР САЛАМАТ,
ЛӘ ИЛӘҺА ИЛЛ-АЛЛА.
НҰР СІҢІРСІН ҚАНЫҢА,
ЛӘ ИЛӘҺА ИЛЛ-АЛЛА.
АЗАЛЫҢДЫ АРАЛА,
ЛӘ ИЛӘҺА ИЛЛ-АЛЛА.
ЖЕТПІС БҰТАҚ ИМАННЫҢ,
ЗІКІР ДЕП БІЛ АБЗАЛЫ.
СӘУЛЕЛЕНІП МАЗДАҒАН,
ЛӘ ИЛӘҺА ИЛЛ-АЛЛА.
Негізгі бет Музыка Қарилар - Ара зікірі. Ақтау (Субтитр ~ қазақша текст. Аудио нұсқа)
Пікірлер: 58