#аудиокітап #қасқырұлығантүнде #оралханбөкей #новелла
Оралхан Бөкейдің “ Қасқыр ұлыған түнде” новелласы жаныңды түршіктірер әсерімен сол кездегі ауылдың тағдырын, тыныс- тіршілігін баяндайды. Бір күлімсіреп отырып, еркісіз жылатады. Сондықтан, өзіңіз тыңдап, бағасын беріңіз. Қазақ тілді каналға қолдау білдіріп, тіркеліп, пікір қалдыруды ұмытпаңыз.
Қыстың ұза-а-ақ кеші...
Осындайда бойыңды кернеген суықты қуып шығар айла іздейсің; осындайда «жойылсын бұйығы тірлік!» - деп жар салғың келеді. Ымырт үйіріліп, қас қарайса болды, сулы-сылпың кешкі асын іше салып, тас бүркеніп жатып қалар ауылдағы ағайынды сағынасың. Әбден қысқарып, бір қайырмаға келмей қалған күн суық жүзбен таудың қыр желкесінен тӛніп тұр. Ақ кӛрпесін айқара жамылған айналаңыз жылдың басқа мезгіліндей емес, күміс нұрға шомылып, қараңғылыққа ырық бермей ұзап барып үғысады, түннің қап-қара отауына барып кіреді.
Дәл осы сәт - алғашында таусылмас ұзақ болып кӛрінген қысқы кеш есіңе қайдағы- жайдағыны түсіріп, кӛңілге салқындау қабыздаған белгісіз бір мұң ұялайды. Ӛзіңе аласұрып ермек іздегендей боласың. Малшының жӛні бір басқа - тебіндегі отарын қыстаққа кіш-кіштеп қайырып, ай-үймен қоралап біткенше қас қараяды. Сосын, әйелі әзірлеп қойған тамаққа тыңқия тойып алған әлгі шопан темір пештің жылуына қыздырынып, қисайып жатып, «Ара» журналын оқуға кіріседі. Ал ақ қар, кӛк мұзды қақ жарып, қиырдан-қиырға қосын арқалап кӛше берер жылқышы күпісіне иегін тығып, су- су ағаштың бықсып жанған алауына телмірген күйі «Примасын» тұқылдай сорып, тым ауыр, тым мағынасыз ойға батар. Ауылдың жӛні бір басқа - малын жайғап, маңайын тазалап, сыртқы күйбеңмен аялдап, үйіне кірмей біраз жүреді-ай. «Тамағынды іш, суып қалды», - дегенде барып керги басып, міндетсіп үйге кірер. Онымен бірге кірген будақ-
будақ бу тӛрге шапшиды, сонсоң әлгі ағайын: «Радионы қаттылап қойыңдаршы, не сӛйлейді екен?» - деп, пимасын шешіп, баласына пеш қабырғасына кептіруге қойдырады. Радионы бұрағанда, міндетті түрде «қияқ, қияқ» деп, кеңірдек жырта айғайлап тұрары және рас. Осы сәтте осы үйдің оныншы класта оқитын бойжеткені барын киіп, сыланып киноға аттанады... Қар алғашқы жауғанда сойып алған соғымның еті бұрқырап, дастарқанға келгенде пеш түбіндегі ала мысық керіле тұрып, мияулай аяңдайды.
Негізгі бет 😱“Қасқыр ұлыған түнде” новелласы- Оралхан Бөкей / аудиокітап /новелла / әңгіме
Пікірлер: 5