Мемлекет басшысы Қасым-Жомарт Тоқаев америкалық және халықарлық инвестициялық компания өкілдерімен кездесті. Басқосу барысында Қазақстандағы инвестициялық ахуал сөз болды. Қазақстан инвестицияға ерекше көңіл бөліп отыр. Бұл жолы халықаралық инвесторлар Kaspi.kz компаниясының зор әлеуетін атап өтті.
Мемлекет басшысы нақты секторға тікелей инвестицияны салудан басқа, бағалы қағаздар нарығын дамытуға және шетелдік портфельдік инвесторларды тартуға да көңіл бөлеміз, деді. Президент табысты бастаманың бірі ретінде Kaspi.kz-тің IPO-сын мысалға келтірді
ҚАСЫМ-ЖОМАРТ ТОҚАЕВ, Қазақстан республикасының президенті:
- Бұл саладағы жүйелі әрі жан-жақты жұмыстар бізді Орталық Азиядағы ең ірі, посткеңестік кеңістікте жылдам дамып келе жатқан экономикалардың біріне айналдырды. Финтех саласындағы өңірлік көшбасшы Kaspi.kz-тің IPO-сы капитал нарығының серпінділігі мен ілгерлеуіне мүмкіндік берді.
Инвесторлар да Қазақстанның инвестициялық тартымдылығын жаңа деңгейге көтере алған Kaspi.kz компаниясының маңыздылығын атап өтті. Елге капиталды одан әрі табысты тарту бойынша инвесторлар да өз ұсыныстарымен бөлісті.
ДАГ СНАЙДЕР, Luxor capital инвестициялық компаниясының президенті:
- Біз тек жекелеген нарықтарға ғана емес, жетекші корпорациялар мен салаларға көңіл бөлеміз. Біз Kaspi.kz компаниясына инвестициямызға құйғанымызға өте қуаныштымыз. Нарықты одан әрі зерттеуге әзірміз. Болашақта бізде керемет серіктестік болады деп сенемін.
Инвесторлар Kaspi.kz компаниясының қарқынды дамуы сөзсіз таңғалдырды дейді. Енді олар Қазақстанды шикізат ресурстарына бай мемлекет ретінде ғана емес, технологиялық әлеуеті зор ел ретінде қарастыратындықтарын жеткізді. Өйткені, дәл осы Kaspi.kz бірегей бизнес үлгісі ретінде көптеген елдерге үлгі бола алады деді. Ал бұл компания Қазақстанда құрылған.
.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар #Ақиқатын_Айтайық
Негізгі бет Қасым-Жомарт Тоқаев америкалық және халықаралық инвестициялық компания өкілдерімен кездесті
Пікірлер: 9