#fm
#airindia
#rajaathani_geet
#holi
#holidhamal
#culture
#geet
#rajasthani
#rajasthanikavita
#kavisammelan
#kavita
#rajasthanikavisammelan
#holigeet
*फागण हाला दिन आया अब रात रात भर जागण का,
रात रात भर जागण का अब चंग पपिया बाजण का।*
अबकी होली घणी सजास्या पूरे स्वाभिमान में,
अबके होली धूम मचास्या पूरे हिन्दुस्तान में।
प्रेम रो बड़ो परव, इ परव पे गरव,
साथ मे गरव घणो, जय हिन्द नाद मे,
आज जकी है जरूरी, बात बा कराळा पूरी,
मसती का गीत म्हे गावाला कदे बाद में।
तलवारां बोली कोनी, होली अति भोळी कोनी,
कई जंग हाला रंग, होली के प्रसाद मे,
द्वंद छंद गावाला जी, खड़क उठावाला जी,
अबके मनास्या होली, वीरता री याद में,
*अबके होली रंग भराळा केसरिया गुलाल स्यूं,
अबके होली रुप धराला सर कैशर रूमाल स्यूं।*
होळी खेल्या राधा राणी, होळी खेल्या नान्हा कान्हा,
हाली गोपिया री चत राईया ने खेळी छ,
होळे होळे होळी रो हुळार रघुकुल माय,
राम साथे होळी तीनू भाईया ने खेळी छ,
मां भारती भी होळी खेळी केशरिया गुलाल स्यू,
होली वीरता री अंगड़ाइयां ने खेळी छ,
केदे पापी पाक साथे, कदे चंदू चीन साथे,
होळी म्हारे देश रा सिपाहिया ने खेली छ।
होली में बुलंद कराळा इंकलाब के नाद नें,
अबके होली याद करांला भगत बोस आजाद ने,
होली किरकेट हाळा, दरशक देख गया,
केड़ी होली कोहळी की पारिया न खेली छ,
रंग अंग अंग स्यू उतर नही पायो अजे,
होळी म्हाली प्राण प्रायकी यारिया ने खेली छ,
गोरी चांम माथे रंग गैरी छाप छोड़ के,
होली रानी झांसी जेड़ी रानियां ने खेली छ,
अर बासंतिया रंग स्यू तो चोला रंगवाकर के,
होळी फांसियां प क्रांतिकारिया न खेळी छ।
*अबके होली याद करालां बलिदानी परिपाटि ने,
अबके होली याद करालां पावन हल्दिघाटि नें।*
पाक पर पर करे, चीनी चर चर करे,
भारत हैं देख रह्यो, झाळ माय ताड़ के,
बेर्या पर पग धर, छोड़े ने कोई कसर,
राड़ ने तैयार धर, शेर सी दहाड़ के।
भारत को ऊंचो भाल, तीन रंग राे गुलाल,
वीरता साजाई अठे, तिरंगे ने गाड़ के
वीरता रो रंग लास्या अबके होळी मनास्या,
बेरिया री दंभ भरी, नाड़ ने उखाड़ के।
दिग्विजय सिंह गोगटिया
Негізгі бет आकाशवाणी कार्यक्रम रंग रंगीली फागणियों,
No video
Пікірлер: 8