Енді қазақты «мәңгүрт» деп елдің намысына тиген Тина Канделаки Қазақстанға кіре алмайды. Бұл туралы Сыртқы істер министрлігінің ресми өкілі Айбек Смадияров мәлімдеді. Оның айтуынша, қажет болса, мемлекет ресейлік тележүргізушіге қатысты қатаң шара қабылдайды.
АЙБЕК СМАДИЯРОВ, ҚР Сыртқы істер министрлігінің ресми өкілі:
- Енді егер сізге біреу ұнамаса өз үйіңізге кіргізбейсіз ғой. Бұл да сол сияқты. Керек кезде шара қабылданады. Оны нақты бүгін кіргіздіңіздер, ертең кіргізесіздер ме деген талап етпеңіздер. Мемлекет ондайды ешқашан кешірмейді. Келе қоймас, ол Қазақстанға келе қоймас, келген жайдайда кірмейді.
Әрі, Смадияров мырза қоғамда қызу талқыға түскен Канделакидің жазбасына қатысты ресми жауап болмайды деді. Пікірінше, ресейлік тележүргізушінің даулы жазбасына қоғамның өзі-ақ жауап берген. Бір жағынан, еліміз жайлы пікір білдірген әрбір шетел азаматына үн қатуға уақыт жоқ деді ресми өкіл. Айта кетейік, бұған дейін ресейлік танымал тележүргізуші өзінің телеграм арнасында «Қазақстанда орыс тілінің ықпалы мен аясы таралып жатыр» деп жазба қалдырған еді. Оған батыс өңірлердегі теміржол стансаларының яғни, «Уральск» атауының «Орал», «Узень»-нің «Жаңаөзен» деп өзгеруі себеп болған. Оның пікірінше, бұл күмәнді шешім және қауіпті үрдіс. Көп ұзамай-ақ Канделакидің жазбасы қоғамда резонанс тудырды. Ал, бұл жазбаға қатысты алғашқылардың бірі болып Динара Сәтжан үн қатты. Ол ресейлік әріптесіне «Қазақстан тәуелсіз мемлекет. Сондықтан, қай стансаны қалай атайтынымызды өзіміз шешеміз» деп жазды. Сондай-ақ, ел жоғалған ана тілін біртіндеп қайтарып келеді деді Сәтжан ханым. Тележүргізушінің бұл пікірін депутат Ермұрат Бәпи де қолдады. Бұдан бөлек, жазба астына мыңдаған ел пікірін қалдырған. Олар да Канделаки ханымды айыптап, тележүргізушіге тиісілі опа-далап брендін алмауға шақырып жатыр.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал
Негізгі бет Қазаққа ««мәңгүрт» деп тіл тигізген Тина Канделаки Қазақстанға кіре алмайды
Пікірлер: 180