Екі елдің іскерлік кеңесінің инвестициялық форумында тараптар бірлескен 45 жоба әзірлеуге уағдаласты. Атап айтар болсақ, мұнай, телекоммуникация, энергетика және ауыл шаруашылығы саласында алыс-беріс күшейтілмек.
Әлеуетті инвесторларды тарту үшін Қазақстан жағы бірлескен бизнес үшін әкімшілік кедергілерді қысқартпақ. Мәселен, корпоративтік табыс және жер салығынан 10 жылға, ал мүлік салығынан 8 жылға босату жөнінде болып отыр. Тараптар бірлескен өндіріс ашуды да көздеп отыр. Әзірге бұл шараларды жүзеге асыруға визалық кедергілер ғана тұсау болып тұр.
Қытай бизнесмендері «Самұрық-Қазына» компаниясы тобына да инвестор ретінде қатыспақшы. Атап айтсақ, Қытай банкі хош иісті көмірсутектер өндіретін кешенге, Атырау мұнай өндіру зауытындағы мұнайды тереңдеп өңдеу кешеніне және газ-химиялық кешен құрылысын несиелендіреді. Екі ел арасында 41 миллиард АҚШ долларын құрайтын 39 жоба іске асырылмақ.
Лу Пенчи, ҚХР Халықаралық сауданы дамыту комитеті төрағасының орынбасары
-Қытайлық кәсіпкерлер виза мәселесін жеңілдетуді қалайды. Бұл екіжақты ынтымақтастықты одан әрі дамытуға үлес қосары анық. Әсіресе қазір Қазақстанда жұмыс жасап жатқан компаниялардың бұл тұрғыда тығырыққа тірелмеуіне біз де мүдделіміз.
Негізгі бет Қазақстан-Қытай арасында инвестициялық ынтымақтастық кеңейе түспек
Пікірлер