Қазақстан Президенті Қасым-Жомарт Тоқаевқа Исматулла Мақсымның өтініші
Құрметті Қасым-Жомарт Кемелұлы Тоқаев мырза! Құдай Тағала сізді бүгін қасиетті топырағыңызға, құрметті еліңізге қамқор қылды. Осы қызметіңізден Құдай Тағала табаныңызды тайдырмай, құрметті топырағыңызға, еліңізге әбден жаныңыз ашып, табаныңызды Аллажан алмастан мықты қылсын. Кеудеңізді кеңітіп, жүрегіңізді жұмсартып, жүрек көзіңізді жарқыратып, ұрпағыңызды баршаңызбен қияметке дейін қасиетті халқыңызбен, еліңізбен бәрінің кеудесіндегі соқыр көзін жарқыратып ашсын. Осы тілегімді айтып отырған себебім бар сізге. Себебі мынау: мен сізден алдында Аллажанның айтқан аятын; Пайғамбарымыздың берген хабарын, хадисін айтып бір өтініш қылдым. Көріп отырсыз, батыс-шығыс, желдік-түстіктің бәрін Аллажан бір тарының қауызына сыйғызып, елді еңіретіп, бәрі жылап жатыр Құдайға қайттық деп. Дұға қылуға патшалары рұқсат берген. Американың патшасындай патша еліне жаны ашып, басы сүмірейіп отыр. Бүтін әлем дүниесін, ақшасын шашып, Құдайға сәжде қылып, «енді білдік, енді қайтпаймыз Алланың жолынан» деп өкініп, батыс-шығыс, желдік-түстік жылап жатыр. Мыңдаған жылдардан бері ашылмаған Ибраһим ғалейһиссәләмдай мүбәрактың мешітінің есігін еврейлер ашып қойды. Ал дүния солай жасап жатқан соң, мен де сосын еліме жаным ашып, айтып отырмын. Құдай бәлені келтірмесін деп күні-түні тілеп отырсам да, «көп тілегі көл» депті, бүтін ер-әйел болып, баршамыздың көңіліміз ауып, осындай жақсылықты тілесек, Құдайжан жояр ма екен осы ауруды деген ниетпен өтініш жаздым. Бірақ, Құдайға шүкір, әлде де бүтін дүниеге салыстырсақ, Аллажанның мейірімі біздің Қазақстанға аз емес. Елімізде аурудан өліп жатқан өлігіміздің саны аз ғана, болар болмас, ауырып жатқаны да сондай. Басқа елдерде мыңдағаны қырылып, мыңдағаны ауырып жатыр, көріп отырсыз. Құрметті Қасым-Жомарт Тоқаев мырзам, бүгінде жігіттер аузына әлі келмей, аузына не келсе соны шығарып айтып жатыр маған. Маған мешіттің қажеті жоқ. Мешітті айта алмаймын мен. Мешіттің құрметінен айналайын, Аллажанның үйі. Оның егесі бар. Құдайдан соңғы оның егесі - сіз, сосын құрметті муфтий, уа имамдар. Менің өзімнің жиырма жылдан бері Хз.Шәкәрім р.ғ. атамыздың атына заңдастырылған бүтін облыстарда медреселерім бар. Сол облыстардағы медресеме сізден рұқсат сұрадым. Шәкірттер жиналып, сол жерлерде зікір қылып, еліне дұға қылып, осындай бәледен құтылуға Құдай себеп қыла ма деп үмітпенен сұрадым. Ал мұны аузына әлі келмеген бауырлар ойына келгенді айтып, құсып жатыр. Соған сізден тілеймін мен, текке сол үкіметтен рұқсат алынған, ресми болған медреселеріме рұқсат сұраймын. Сұрадым, әлі де де сұраймын. Берсеңіз, өлгенімше, қызметімді қыламын. Рұқсат бермесеңіз, тыныш жайыма отырамын. Ешкіммен ісім жоқ. Сізге айтып отырғаным, елдің сөзі мені әбден шаршатты. Мешіттер біледі, құрметті муфтий біледі, имамдар біледі. Бір мешіттің имамы ана мешітке де мен намаз беремін деп айта алмайды. Неге? Әр мешіттің имамының өзінің міндеті бар. Әркім өзінің міндетін орындайды. Менің де міндетім, өзімнің үкіметтен ресми бұрынғы алынған медреселерім бар. Соларға сізден рұқсат тілеймін. Бересіз, бермейсіз ол сіздің еркіңіз, құрметті еліміздің басшысы. Әгар бермесеңіз, жақсылығымды тілеймін де отырамын дұғамды қылып. Бірақ, осыны да көрместік қылмайық. Қазақстанға Құдайжанның жеңілдігі бар, Аллаға шүкір. Қазір өліп жатқанымыз да болмашы, ауырып жатқаны да болмашы бүтін дүниеге салыстырғанда. Дүниедегілерді көріп отырсыз, мыңдағанға жетіп жатыр. Құдай ол күннен сақтасын елімізді. Ол бауырларды да сақтасын. Қазір сегіз миллиард жан бар дүниеде. Сол сегіз миллиард жан, бұрын қанша миллиарды өткен, сіз білесіз. Келешекте қанша өтеді, оны Алла біледі. Соның бәрін жинағанда, Аллажан өзі сөзінде айтады, «маған бір адамды жаратып, өлтіріп, тірілткенмен бірдей», дейді. Сондықтан, сол Ұлық Алладан кеңінен сұраймыз, кемінен сұрамаймыз. Сосын мен жаман ниетпен сұраған болсам, әгар еліме жаман ниет болса, полицияларыңызды жіберіп, мойнымды кесіп, көкірегімнен аттырыңыз дегенім сол әңгіме. Егер, жақсы ниет болса, онда құба-құп. Онда елім де маған тіл көмегін беріп, осы сұранысымды сізден қосылып сұрап, медреселерімді тездетіп ашуға рұқсат беруіңізді өтінемін. Бермесеңіз, өзіңіз білесіз, құрметті мырзамыз. Құдай Тағала екі дүниеде бақытты қылсын сізді! Әссәләмуғалейкум уә рахматуллаһи уә баракаатуһу!
Негізгі бет Қазақстан Президенті Қасым Жомарт Тоқаевқа Исматулла Мақсымның өтініші
Пікірлер: 35