Ресей мен Украина райынан қайтпай, жағдай шиеленісе берсе, Қазақстан экономикасына едәуір соққы тиюі мүмкін. Бір ақ күннің ішінде 1 доллардың бағамы 440 теңгеге, әлемдік нарықта Бренд маркалы мұнайдың бір баррелі 97 долларға жетті. Сарапшылар егер АҚШ пен Батыс елдері Ресейге санкция салса қазақстандықтарға да оңай соқпайды деп отыр. Ал, Халық қаһарманы, генерал-лейтенант Бақытжан Ертаев "соғыс болмау үшін соғысқа дайындалу керек, қазақстандықтарға ауызбіршілік ауадай қажет" деді.
Путин бір жақ, әлем бір жақ болып жатқанда Қазақстанда теңге күрт әлсіреп, бүгін 1 доллар 440 теңгеден сатылды. Ресей Президентінің Донецк пен Луганск облыстарын "тәуелсіз республика" деп тануы туралы мәлімдемесінен соң рубль құлдырап, осы жағдайдың әсерінен ұлттық валюта әлсіреді. Сондықтан түс ауа Ұлттық банк теңге курсын ұстап тұру үшін 33 миллион доллар бөлді. Экономист Сапарбай Жұбаев мұнай қазіргідей баррельіне 97 доллар болып қалатын болса Қазақстанның экономикасы қатты құлдырап кетпейді деп отыр. Бірақ, Үкіметтің антикризистік жұмысы мықты болуы керек.
САПАРБАЙ ЖҰБАЕВ, экономист:
- Биржалық бағалар төмен түскеннен кейін біздің кәсіпорындардың сұранысы ертең біз мысалы Ресейге 14 миллиардтық экспорт жасап жатырмыз ғой. Олардың сәл азаюы мүмкін. Бұл енді болашақта азғантай әсер етеді. Бірақ, анау айтқан үлкен әсері жоқ.
Әзірге Ресейден басқа ешбір мемлекет Украинаның шығысындағы екі облысты тәуелсіз мемлекет деп мойындаған жоқ. Ал, еліміздің Сырты істер министрі Мұхтар Тілеуберді әзірге "Қазақстанның позициясын" айта алмаймыз, соғыс бола қалған жағдайда Украинадағы қазақстандықтарды елге алдыртамыз деді.
МҰХТАР ТІЛЕУБЕРДІ, ҚР Сыртқы істер министрі:
- Ұжымдық қауіпсіздік шарт ұйымы бар, оған Қазақстан мүше мемлекет. Бірақ, бұл ұйымның ол жаққа әскер жіберуге құқығы жоқ. Ал, Қазақстанның ұстанымы, ресми ұстанымы қазір талқылануда.
Ал, бұрынғы қорғаныс министрінің орынбасары, ауған соғысының ардагері Бақытжан Ертаев мұндай қысылтаяңда қазақстандықтарға ауызбірішілік керек деп отыр. "Аққу, шортан һәм шаян" болатын болсақ, елдің тұтастығына өзге мелмекеттерден қауіп төне береді.
БАҚЫТЖАН ЕРТАЕВ, Халық Қаһарманы:
- Меніңше ОДКБ-ны олар шақырмайды ау деймін. Напалеонның сөзі бар ғой: "порох надо держать сухим". Әр уақытта да әр нәрсеге дайын болу керек. Болмағанын тілейміз, ал болмауы үшін, соғыс болмауы үшін соғысқа дайындалу керек деген сөз бар ғой. Сол себептен біз мұны ұмытпайық!
Путин мәлімдемесінен кейін шұғыл өткізілген Бірккен Ұлттар ұйымының жиынында Қытай бейтарап қалса, АҚШ, Ұлыбритания мен Германия Ресейдің бұл әрекетін айыптады. Ал, Украина Президенті Владимир Зеленский "Украинаның халықаралық деңгейде мойындалған шекарасын ешкімге бермейміз" деп отыр. Путиннің өз ұстанымда нық отырғанын ескерсек, әзірге бұл мәселенің оңайшылықпен шешілмейтіні анық. Кей сарапшылар үшінші дүниежүзілік соғыс басталады десе, кейбірі соғыссыз шешіледі дегенді айтады.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#НАТО #Ресей #соғыс #Украина #Путин
Негізгі бет Қазақстан Украинаға әскер жіберуі мүмкін бе?
Пікірлер: 704