📌Еліміз ұлттар достастығы мәселесіне ерекше назар аударады. Осы мақсатта бір емес, бірқатар республикалық мейрамдар бекітілген. Осындай мерекелердің бірі - Қазақстан халқы тілдері күні мерекесі. Осыған орай, ағымдағы жылдың 5 қыркүйек күні 🏢«Жанұя» отбасы институтын қолдау орталығы базасында «Қазақ тілі - бабамның тілі» атты мерекелік кеш ұйымдастырылды. Биылғы іс-шараның маңызы зор, себебі қазақтың танымал қоғам және саясат қайраткері, Алаш партиясының мүшесі, ағартушы, ғалым-лингвист, әдебиеттанушы, түркітанушы, ақын және аудармашы Ахмет Байтұрсыновқа 👨150 жыл толып отыр. Тіл жанашырларының қатысумен өткен іс-шара «Нұр-Сұлтан қаласының Ішкі саясат басқармасының» қолдауымен келген БАҚ өкілдерінің ҚР Парламент Мәжілісі VII шақырылымының депутаты, Қазақстан халқы Ассамблеясы төрағасының орынбасары- Наталья Григорьевна Дементьевадан сұқбат алуынан🎤 басталды. Келген көрермен қауым, қазақ тіліне деген құрметті, сүйіспеншілікті ел қалаулысы - Наталья Григорьевнаның салиқалы сөзінен естіп, Нұр-Сұлтан қаласының Жұмыспен қамту және әлеуметтік қорғау басқармасы басшысының орынбасары - Таласова Айгүл Тілешқызының құттықтауына да құлақ асты. Іс- шараға, қазақ тілін дамытуға үлес қосып жүрген, тіл жанашырлары еліміздің көрнекті тұлғалары қатысты: Төлеу Көккөзовна Аймағанбетова - жоғары санатты әдіскер-ұстаз, Қазақ тілін📚 үйрету бойынша блокты-модульді әмбебап бағдарламасының авторы, «Тілдауа» онлайн мектебінің негізін қалаушы, Арайлым Рақымқызы - Қазақстан Республикасының еңбек сіңірген қайраткері. Мерекелік іс-шара шығармашылық нөмірлерге толы болды. Әлеуметтік салада қызмет етіп келе жатқан әріптестеріміз Ахмет Байтұрсынұлы бабамыздың танымал қанатты сөздерін айтып жеткізді. Сонымен қатар, көп балалы ана, қазақ поэзиясының оқырманы - Гүлбану Ерманқызы М. Шахановтың «Жігерлендіру», Н. Айтұлының «Ана тілі» туралы өлеңдерін оқыды. Ал, Е. Рахмадиев атындағы Мемлекеттік академиялық филармониясының әншісі - Бауыржан Нұрмұханов Абай атамыздың «Сегіз аяқ» әнін 🎼орындаса, Арайлым Рақымқызы «Қабанбай батыр» дастанынан үзінді тарту етті.
Негізгі бет "Қазақ тілі - Бабамның тілі"
Пікірлер