ҚОСАЙ/МӘМБЕТҚҰЛ(КЕҢ-ШАЛБАР) - ШӘКІР ЖЕКСЕНБАЕВ АЙТАЛЫҰЛЫ(1901-1988). ГЕНЕРАЛ-МАЙОР!
***
ГЕНЕРАЛ ШӘКІР ЖЕКСЕНБАЕВ ТУРАЛЫ НЕ БІЛЕМІЗ?
Тәуелсіздік жолындағы күрестер Қазақ елін жауынгер халық етіп өсірді. Бұл дәстүр атадан балаға көшіп отырды. Екінші дүние жүзілік соғыс кезінде де Қазақтан шыққан тамаша командирлер де аз болған жоқ. Қазақ халқының генералы Шәкір Жексенбаев, гвардия полковнигі Бауыржан Момышұлы, подполковник Қасым Сүлейменов сияқты ерлер өздерін ұрыс майдандарында көрсете білген даңқты командирлер.
«Дүниеде не өлмейді» дегенде, «жақсының аты, ғалымның хаты өлмейді» деген дана Қазақ халқы...
Өз заманында Жоңғарға тойтарыс беру үшін жүз мың әскермен Әбілқайыр хан жорыққа аттанған. Ел басына күн туғанда, етігімен су кешкен Қазақтың батырлары, қолбасшылары қаншама. Солардың бірегейі, Қазақтың генералы Шәкір Жексенбаев та - бабалардың батырлық дәстүрін жалғастырған асылдың тұяғы. Ол екінші дүние жүзілік соғыстың аяғына дейін қатысты. 1943 жылы «генерал-майор» әскери атағы берілді. Соғыс аяқталған соң 1945 жылдың қазан айында Батыс Қазақстан облысының халқы генерал Жексенбаевты зор қуаныш сезімімен қарсы алды. Қалада біраз болған соң, туған жері - Ордаға аттанды. Ең алдымен туған ауылы Шоңайға ат басын бұрды. Ауылына жақын қалғанда, генерал көлікті тоқтатуын сұрайды. Сонан соң мундирін шешіп тастайды да, жата қалып, жерге бірнеше рет аунап, малдасын құрып біраз отырды.
Тізесінен тұрып, еңкейіп жерге маңдайын тигізді. Көзіне жас толғанын байқаған құрдасы Хұсайын Ищанов « Мұнысы қалай деп таңданды».
Сонда Шәкір Жексенбаев:
- Әй, Хұсайын, сен мұның жайын білмей тұрсың. Елден ұзамағаныңнан ғой, бұл. Мен болсам, үнемі алыста жүрдім. Қиыр Шығыстан батыс шекараға дейін болмаған жерім кемде кем. Туған жерден ыстық ештеңе жоқ екенін қашықта жүргенде сезесің. Екінші дүние жүзілік соғыстың ауыр кезінде де зулаған оқтың астында жатып, осы жазық, осы құм көз алдыңа елестегенде, бір күш бойыңды билейтін. Оны айтып жеткізу қиын, тек сезіну керек. Сонда туған жерді бір көріп өлсем деп армандайтынмын. Бұл - менің ғана сезімім емес, миллиондаған жауынгердің басында болған жәй, - деді.
Рухы өр, тәні бекем, қайсар халықтың біртурар азаматы туған жерге деген өз сезімін осылай білдірген екен.
ҚР ҚОРҒАНЫС МИНИСТРЛІГІ - / 1162483783766388
Негізгі бет ҚАЗАҚТЫҢ ТҰҢҒЫШ ГЕНЕРАЛЫ - ШӘКІР ЖЕКСЕНБАЕВ АЙТАЛЫҰЛЫ (1901-1988)
Пікірлер: 14