#أفكار_جديدة_جدا
#بطارية
#battary
غلطة ممكن تدمر بطارية سيارتك ممنوع تركن البطارية فارغة
كيف تحافظ على بطارية سيارتك
تخزين بطارية السيارة
اكبر سبب غير مباشر لتقليل عمر البطارية هو طول فترة تشغيلها، او طول فترة ركنتها بدون شغل، انما الشغل بشكل متوسط هو اللي بيطول عمر البطارية، او بمعنى اخر بيخليها تعيش اطول فترة ممكنة.
وهنقول مع بعض كل الاسباب اللي ممكن تقلل من عمر بطارية العربية.
السبب الاول
شحن الدينامو عالي او قليل
لو شحن الدينامو عندك عالي يبقى هيزود سخونة البطارية والتفاعل الداخلي جواها وبالتالي هيخسف بعمرها الارض، ده طبعا لو معملش مشكلة اكبر،
طيب لو كان شحن الدينامو اضعف من الطبيعي
كده هيخلي البطارية متاخدش شحنتها كاملة، وبالتالي هتكون فاضية اغلب الاوقات، خاصة لو اتركنت فترة طويلة شوية، اسبوع مثلا.
والطبيعي ان جهد او فولت الدينامو يكون اعلى من فولت البطارية من ١.٥ إلى ٢.٥ بس
والجهد الطبيعي لبطارية العربية ١٢.٧ فولت، يعني الدينامو لو طلع ١٤ او ١٥ فولت يبقى كويس.
وغالبا اسباب مشاكل الدينامو بتكون في السير لو الشحن ضعيف، او في الكتاوت لو الشحن عالي.
السبب الثاني
اكبر سبب مباشر يضر بالبطارية ويسرع بتعطلها بلا منازع هو تركها فارغة بدون شغل او شحن، خاصة لو كانت متوصلة في العربية، وكمان الطبيعي ان ركن البطارية فترة طويلة شهر مثلا حتى لو كانت مشحونة للاخر بيخليها تفضي شحن، وبعد تمام إفرغها لما تفضي كل شحنتها هتكون كأنها مركونة فاضية، يعني شهر كمان او اقل وتودع خالص.
السبب التالت
اهم اسباب قصر عمر البطارية هو تعرضها لحرارة لفترات طويلة، او برودة عالية لفترات طويلة. يعني ركن العربية لفترات طويلة في الشمس او تغطية العربية مباشرة بعد مشوار طويل بدون تركها تبرد بيأثر على عمرها بخلاف تأثيره على غيرها من بقية مكونات العربية.
ازاي بقى نحافظ على البطارية في فترة الركنة وعدم الاحتياج.
عشان تركن بطارية العربية لازم تعمل شوية احتياطات
اولا لازم تشحن البطارية بشكل كامل سواء بقى في العربية او على الشاحن ايا كان الشاحن ده، وبعدين تفكها بره العربية خالص او على الاقل تفصل كابلاتها وتسيبها مكانها، ولو عايز تعمل شاحن بتكلفة بسيطة من ٥٠ ل١٠٠ جنيه هسيبلك فيديو بالطريقة دي على القناة.
وكمان لازم تتابع جهد او فولت البطارية كل كام يوم، ولو لقيته نزل عن ١٢ يبقى لازم تعلقها على الشاحن كام ساعة كمان.
وكمان لو البطارية سايلة لازم تتابع الحمض اللي جواها وتتأكد انه مش ناقص.
وكمان تكون راكنها في مكان جاف مش رطب، حرارته معتدلة مش عالية، وطبعا بعيدة عن اي جسم قابل للإشتعال وبعيدا عن متناول الأطفال.
ولو عايز تحمي بطاريتك من السرقة شوف الفيديو ده، بتكلفة بسيطة جدا جدا جدا هتعمل جهاز انذار لمجرد فتح الكبوت الكلاكس هيشتغل باستمرار بشكل مفاجيء، التكلفة تقريبا كده ببلاش.
Негізгі бет Автокөліктер мен көлік құралдары خطأ فادح يدمر بطارية السيارة كيف تحافظ عليها في فترة التخزين
Пікірлер: 13