尋日步入女人30嘅劉慕裳(Grace),上月接受@boxchannel7957《開訪》訪問時仍是2字頭的她,真人細細粒笑聲不絕,同比賽場上那種凌厲英姿,完全兩個樣!東奧之後,仍然要為世界賽作準備,問佢東奧歸來至今難忘最窩心的一刻,Grace話:「其實係一個報道其中一句,我就算尋日睇返都仲好touched到我,有人quote返出嚟話我比完賽之後多謝市民支持,嗰個報道寫返話,『阿Grace,係香港好多謝你呀』」
為港爭光,Grace多謝香港人,香港人多謝佢,「依家就算我喺街度,都有人同我講,恭喜你呀,我多謝多謝,然之後佢又多謝返我為香港付出,我又多謝返佢,所以嗰段時間好得意,一出街就不停互相多謝!」空手道如人生,Grace話老土啲講就係不進則退,「我真係好多謝大家支持,我哋成班運動員會繼續努力訓練做到最好,下年亞運會啦,希望再好似今屆奧運會再攞多啲獎牌返嚟!」
比賽場上同私底下的劉慕裳分別有幾大?「分別都大,其實又唔係完全冇關連囉!我比賽比較嚴肅啲,係好嚴肅啦,哈哈,但係我現實生活都好輕鬆,成日都會笑,所以都係一個好普通嘅女仔囉!」普通女仔,除了訓練同比賽,原來Grace都鍾意打返幾圈廣東牌喎,「都係好普通㗎咋,行下街、睇下戲、唱下歌、打下牌咁囉!打牌呢方面我算比較遲學,呢幾年先識,哈哈,跟屋企人玩廣東牌跑馬仔!」
唔講唔知,原來Grace比賽時化個有煞氣嘅淡妝,都係好緊要㗎!「打比賽嗰日化嗰個妝,絕對唔係第一次先去試嗰個妝,之前已經要試一試,唔係淨只練習,我連自己個妝都要之前去試定,make sure所有嘢都係OK先安心囉!」Grace仲自爆本身都係好貪靚,「我諗正常女仔都係啩,哈哈哈!」想知空手道女神有幾貪靚?即刻去片!
#盒子 #boxchannel #開訪 #劉慕裳 #空手道 #東京奧運 #空手道銅牌 #香港運動員 #比賽 #為港爭光
------------------------
記得follow晒呀
FB:bit.ly/2WlzyYF
YT:bit.ly/3guXGz0
IG:bit.ly/3n0YIHg
Негізгі бет 《開訪》EP03 比賽場下最真實一面 空手道女神劉慕裳自爆貪靚
Пікірлер: 4