Ұлттық қауіпсіздік комитетінің сардарлары ел аумағында экстремистерге қарсы кезекті арнайы операция жүргізіп, 16 адамды ұстады. Барлығы «Ат-Такфир уаль-Хиджра» діни-экстремистік ұйымының мүшелері.
Олар діни алауыздықты қоздырды және тыйым салынған ұйым іс-әрекетіне қатысты деген күдік бар. Қазір сол бойынша тұрған жерлерін тінту және басқа да жедел-тергеу шаралары жүргізілуде. Айта кетейік, «Ат-Такфир уаль-Хиджра» жолын ұстанушылар Сирия мен Ирактағы террористердің іс-әрекеттерін қолдайды және еліміздің конституциялық заңдары мен зайырлы басқару түрін мойындамайды.
Аталған ұйым 2014 жылы сот шешімімен экстремистік деп танылып, Қазақстанда оның әрекетіне тыйым салынған. Ол АҚШ, Ресей, Қытай, Мысыр, Ливия, Марокко, Тәжікстан, Өзбекстан және өзге де елдердің террористік ұйымдар тізіміне кірген. Ал бүгінгі жедел іс-шаралар бір мезгілде Алматы, Ақтөбе, Атырау облыстары мен Алматы қаласында жүргізілді.
Негізгі бет ҰҚК арнайы операция жүргізді
Пікірлер