Көк байрағым.
Көк байрағым көгімде желбіреген,
Көк байрағым еліме рух берген.
Қасиетті қазақтың көк байрағы,
Азаттықтың ақ таңымен бірге келген.
Көк байрағым алаштың айбары ол,
Көк байрағым батырлықтың қайрауы бұл.
Талай батыр желбіретті оны алаңда,
Тарихта оның ізі сайраулы тұр.
Көк байрағым елдігімнің белгісі еді,
Көк байрақпен танылды қазақ елі.
Шаршы топта топ жарған жеңімпаздар,
Көтеріп көк байрақты шығып еді .
Көк байрағым желбірген көк аспанда,
Көк байрағым жігер берді талай жанға.
Қаһарлы Қаңтарда тік көтеріп,
Көк байрақты алып келген батыр бала.
Қасиеті көк туым мына менің,
Желбіреген төрінде талай елдің.
Егеменді елімнің белгісісін,
Мәңгілік көгімде тұра бергін.
СҮЛЕЙМЕНОВ САЛАМАТ.
Негізгі бет КӨК БАЙРАҒЫМ. АВТОРЫ:Сүлейменов Саламат.
Пікірлер: 11