Сұйытылған газдың бағасын бір-ақ күнде төмендете алған үкіметке утилизациялық алымның құнын анықтау үшін бір жарым айдай уақыт керек екен. Иә, үкіметтегілер ақпанның соңына дейін кәдеге жарату төлемінің мөлшерлемесі бекітіледі деп отыр. Осы жаңалықты естіген бірқатар сарапшылар бұған наразылықтарын білдіріп жатыр. Себебі алымның мөлшерлемесін белгілеу үшін ұзақ уақыттың қажеті жоқ дейді олар. Тіпті кейбір азаматтар Экология министрлігі мәселені созбаққа салып, президент тапсырмасын бұрмалап отыр деп санайды. Өмір Серікбекұлы сарапшылармен тілдесіп, халықтың пікірін біліп келген еді.
«Утилизациялық алыммен айналысатын оператор мемлекет бақылауына өткеннен соң көптеген өзгерістер болып, аспандап бара жатқан көлік бағасына тұсау болады деген үміт бар көпшілікте.
Халықтың көбі көліктің бағасы түседі дегенге сенеді. Дегенмен, көлік сарапшысы Бағдаулет Талиповтың айтуынша, қазір екінші нарықтағы машиналардың құны туралы айту ерте. Жауаптылардың көздегені - шетелден келетін көліктер емес екен.
БАҒДАУЛЕТ ТАЛИПОВ, Көлік сарапшысы:
- Басты назар ескі көліктердің утилизациялық алымының бағаларының көтерілуіне бағытталып жатыр. Бұл да нарықтағы бағалардың өзгеруіне әсер етеді деген сөз.
Ал, «Утиль алымға жол жоқ» қозғалысының белсендісі, утилизациялық алымның көлемін пайызбен емес, еселеп азайту керек дейді. ӨКМ операторының құзырын «Жасыл дамуға» ауыстыру - адамды алдау екенін айтқан Нұраддин Садықов, компаниялардың орны ауысқанымен нәтиже баяғыша болады деп болжап отыр. Оның да өзіндік себебі бар екен.
НҰРАДДИН САДЫҚОВ, «Утиль алымға жол жоқ» қозғалысының белсендісі:
- Себебі, біріншіден бұл жерде соны бақылаған және сол оператор РОП-ты басқарған адамдар тура «Жасыл дамуға» қайтадан келіп жатыр. Бұл жерде кез келген коррупционный схема болсын, басқа да схемалар өзгермейді. Бұл ең үлкен алаңдатарлық мәселе.
Нұраддин Садықов жеңіл автокөліктерге утилизациялық алым 0,50 және 100 мың теңге болуы керек деп есептейді. Машинаны алғашқы есепке тіркеу мөлшері де 100 мың теңгеден аспауы керек. Сонымен қатар, техрегламенттегі айсофикс, СОС батырма секілді заттарды алып тастау тиіс деген ойда. Бұл үшін де қазір шетелден көлік әкелген адам шамамен 500 мың теңге төлеп жатыр. Маманның сөзінше, жоғарыда айтылған ұсыныстар қабылданса, көліктің бағасы 1-1,5 жылда екі есеге бірақ арзандайды. Бірақ, үкіметтің қандай өзгеріс енгізетіні әзірге белгісіз. Ақпан айының соңында утилизациялық алымға байланысты нақты шешім қабылданады.
Өмір Серікбекұлы, Ринат Абулхаиров
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#утильдік_алым #көлік #автобазар #баға
Негізгі бет Көлік енді арзандай ма? Ақпанның соңына дейін утильдік алымның нақты бағасы бекітілмек
Пікірлер: 219