لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
حفل تخربج
ضباط عتيبه
كلية الملك خالد العسكريه
كلمات عيضه الثبيتي
تصميم شيلات الروقي
أكدّوا حجزي على اللّي لااعتلت متن الغمامه
من تحتها الارض تصبح في كُبر خُفْ المطيّه
خاطري كنّه على جمر الغضى مدري علامه
ولا يسلّي خاطري غير الطروق السامريّه
والقصيد اللي يعديني عن حدود الملامه
موعده ليلٍ يعدّيني حدود الجاذبيه
لا انقضى الليل الطويل الحمد لله فالسلامه
بعد ماراحت خلايا المخ من راسي ضحيّه
كل بيت يمرّني ماهو مرور اهل الكرامه
مايعدّي لين ياخذ له ثلاثمية خليّه
حظ والله شاعر لا اخطا محد ينقد كلامه
ماهو اللي ينقدونه عند غلطه مطبعيه
الرقيب الذاتي البارح خفيرٍ فـ استلامه
ماثنى ساقه ولا اركى من يدِيه البندقيه
الشعر غالي مقامه و الوطن غالي مقامه
ما توفّيه القصايد و الحروف الابجديه
الولا لملوكنا يبقى ليا يوم القيامه
مثل عهْد جدودننا يوم السنين الاوليّه
الملك سلمان هامه ماعتلاها كل هامه
للوطن منّا سلام وللملك منّا تحيّه
الفخر والمجد حتى اتحيته تسبق سلامه
للمليك اللي سند كل الشعوب اليعربيه
كلنا شعبه رهن سبّابته و ألاّ بهامه
يامر ويبشر ولو نارد على حوض المنيّه
مثل ماكنّا جنود معزّي بيوم الرغامه
يعتبرنا معزّي الثاني معه في كل هيّه
اخذٍ منه الشّبه والعز كله والشهامه
كثر ما أعطانا ووصلّنا بعد للعالميه
جعل راع مصيّحه في بارد الجنه عظامه
وجعل ابو سلمان يبطي حي و عزومه قويه
والله أنا فالطلب مثل الذخيره في حزامه
لو نبيع الروح من دون البلاد الحاتميه
عزوة الهيلا عتيبه روسنا تقدح زعامه
والحياة بلا زعامه مالها أيّة قابليه
عاد ظباط القبيله كلٍ بصدره وسامه
روسهم تقدح فخر وفعولهم بيضً نقيه
النجوم يزين منها الليل لا نوّخ ظلامه
والمتون اتزيّن نجوم الفخر والشمس حيه
الولد منا قبل لا يلبس عقال وعمامه
ودّه أنّه يلعب الكوره ببدله عسكريّه
لا نشدته عن هواه و حلمه و غاية مرامه
قال ظابط فالحرس والجيش والاّ الداخليه
فعلنا يشهد لنا يوم الوغى زاد احتدامه
في صفوف موحّد الدوله وقيدوم السريه
من تحدانا حذفناه ببحر تسعين قامه
هذي فعول النشاما والحرار الصيرميه
خشمٍ نزيده و قار وخشمٍ اْنطيّر عرامه
والعلم خفّاق دايم والمواقيف اْمحميّه
مايعرفون التهاون والتخاذل و الرخامه
الرجال اهل الشجاعه والزعامه و الحميّه
دامت السيفين والنخله لنا شعار وعلامه
ثابته فقلوبنا قدّام ترسم فالهويه
Негізгі бет خالد ال بريك & حفل ضباط عتيبه - أكدوا حجزي على اللي لااعتلت متن الغمامه 2023 كلمات عيضه الثبيتي
Пікірлер: 25