خلف بن هذال : يا سلامي وحفّتنا السّلامه يصبح الصّبح مَحدٍ مستريح اًدفعَ الملعبه وَاهمِل رِسَنها لَينِ ترجَع لنا ب اُمّ البنات اِنتحى الليل وِاِبعير المِسامه ضامه الحِملِ وِاِيقوم وِاِيطِيح كل ما طاح في حِفره دِفنها كم وكم من حفر واِمعَوّقات أحمد الناصر : مرحبا عد هملول الغمامه يضحَكَ اللّي ضحَك والاَ يصيح كلّ سلعه تقدر في ثمنها والدّروب الطّوال امصلحات والتهامي وصله من تهامه ليت له عقل والسان فصيح قودها قود والاّ زل عنها والعرب واقفينٍ للشمات خلف بن هذال : شد راس الجمل واقضب زمامه لا تجيك الرياح ابكل ريح والعوارف ينشطني لحنها يا طعم ورد يا سكر نبات لو تقوم الزلازل والقيامه كانِ جَوك اهَل السّاحل طِفِيح الجنايز يطاوِلها كِفَنها والمنايا كِبارُ ومِقبلات أحمد الناصر : صاحبي لو درينا وش نظامه كان ما يلته العلم الصريح والعرب كل ما يقفي ضعنها يَتبعَونه مِدَوّرة الفلاة طحت لك في بحر تسعين قامه تحسبِ انك نزلت اِبقاع شيح كلّ دار سكنها اللي سكنها وانت كنك تحَرّا للهواة خلف بن هذال : جِفنِي اليومِ مَدري وِش علامه يَنثرَ الدّمع من قلبٍ جريح قصّة الحِبّ مثلي من لعنها ليتني دافِنه قاعة حَصَاة محزمي قام ياخذ من حزامه ما يبرق ولا يقلب طريك المعاني يا ابن عراف صغها واخذها مع طريق امغرّزات أحمد الناصر : ميّت الحبّ يبشر بالندامه وبش لك فيه يا الوجيه الفليح وكلّ ناسٍ تسير في وطنها تِكمِلَ الصّوم واشروط الصّلاة اقبل الشيخ ابو بشت وعمامه مير اظنه على نفسه شحيح العدا تطعنه لن ما طعنها يذبحون الهواوي ذبح شاة خلف بن هذال : قصّة الحِبّ في خدك علامه وانته اول معك جسمٍ صحيح كفك اليوم ما تنقِص صَحنها دُوبِ تستِر عِظامِك بالعَباة شالك السيل من جرف العدامه وش حصل للمناطح والنطيح حبة البر مثلي من طحنها وانت حبه وب اجعلها شتات أحمد الناصر : صاحبي كِلّ شيٍ باستلامه شايف السّمن بكفوفه يسيح لكن ام الكباير من دفنها بالله اَعطُونيَ العِلمَ الثّبات كل رجّالِ يعرف من كلامه ما تبيح العباد وتِستبيح من هو اللي على صدره حضنها يوم ماتت نحسب الشيخ مات
@FUN-ALQALTAH
2 жыл бұрын
الله يعطيك العافية يبو نايف
@user-ub6rz8qn3s
2 жыл бұрын
@@FUN-ALQALTAH ياالاخو باالله شغلنا محاوره لبندر السرور إذا له محاوره مع اني ماضنيت له
@user-dn9nq6jm5f
9 ай бұрын
يازين هاللحن أحمد الناصر الله يرحمه احبه ❤ حب لايوصف الله يرحمه ويطول يعمر خلف
@abo.ariyadh9561
2 жыл бұрын
ياما للجنة يااحمد والله يمتع ابو هذال بالصحة والعافيك، جاء بينهم من عام ٩٧ هجري مناكفات عنيفة عنيفة بعضها ما نُشر للآن... ورغم كل هذا ولا مرة نزلوا بالمعنى او سباب وشتم
@user-ky9ws5ch7t
2 жыл бұрын
يازين لحون خلف
@user-rc2zd1rd2j
2 жыл бұрын
والله اعجز عن شكرك
@FUN-ALQALTAH
2 жыл бұрын
العفو وانا اخوك
@user-pv5xd7hf6y
2 жыл бұрын
ياسلام سلم 👍👍👍 احمد الناصر كاريزما خاصة الله يرحمه ويطول بعمر خلف
@Aaa-tc6yx
2 жыл бұрын
الله يرحم السواط واحمد الناصر
@user-ql1ov8sn8w
2 жыл бұрын
آمين
@user-dg7zb6tz3z
Жыл бұрын
اعجبني حرص مطلق والسواط على نجاح الملعبه يوم شافوا اللحن صعب قاموا مع الصف
@AL-OTaibi-511
2 жыл бұрын
الله يعطيك الصحة والعافية يابو هذال ويرحمك ويغفر لك يابو محمد
@user-fd4wt5or9p
2 жыл бұрын
كبير يالدعجاني الله يطول بعمرك . الاد مفلح
@sauud8_
2 жыл бұрын
الله اكبر ياناس شفتو الصفوف كيف مشت اللحن غصب
@user-lf9lr8tp7f
2 жыл бұрын
جميل صوت احمد الشايع حتى على طبقة القرار او الطبقة المشحوطة ولايهون ابو هذال مهندس الطواريق والالحان كل الشكر يالدعجاني ( وردة )
@FUN-ALQALTAH
2 жыл бұрын
العفو وانا اخوك
@mansoreaa
10 ай бұрын
عكست ... التي سميتها المشحوطة ( الشادة) هي الجواب اما القرار فهي الطبقة الرخيمة .
@user-cg2gy8bq2q
2 жыл бұрын
فيه بين احمد الناصر وخلف بن هذال المغتره ١٤٠٦ او ١٤٠٧ غيرو اللحن اكثر من مره كانت قبل سنه موجوده في اليوتيوب واختفت ابحث عنها جميل جداً
@Mrsaud-rt6by
Жыл бұрын
صحيح والله تعبت وانا ادورها ماعينتها كاملة وموجودة في اليوتيوب بس نص المحاورة ماهيب كاملة
@turki78892
2 жыл бұрын
لحن رهيب من خلف
@MB-fh9xw
2 жыл бұрын
سبق ولعبوا عليه شليويح بن شلاح ومفرح الضمني ودي أخبرك في قافٍ طرا لي
@user-wk1qm5on3q
Жыл бұрын
لحن خلف غناه في الاسطوانه سر الاحباب والله مايصونه
@user-br1oj7vo9w
8 ай бұрын
هذي الحان خلف لعب عليها من عام ال ٨٠ ومن اغانيه القديمه وكلن ينسب الالحان له
@hazzal-mutairi4203
2 жыл бұрын
صح السانك
@user-vo4dg7vx2b
2 жыл бұрын
عز المحاورة شف مطلق والسواط ما سكين الصف مع ابو هذال يوم الشعر شعر ورجولة هالحين الله يرحم الحال اللي يقول ابرك تجيب حوار واللي يقول قشطة وسمبوسة الله يرحم الناصر ويشفي ابو هذال
@mansoreaa
10 ай бұрын
ماسكين الصف بس مع خلف؟؟ يعني اذا جا احمد تركو الصف؟!؟!
@user-vo4dg7vx2b
10 ай бұрын
@@mansoreaa انت وما فهت بصرك واضح انك من ذولاك مدح خلف مسبه لهم
@Aaa-tc6yx
2 жыл бұрын
ياسلام سلم
@user-di6vr6ht6w
2 жыл бұрын
الله الله هاذي من وين جبتها اختفت من النت كله.. تعتبر من نوادر المحاورات.. خلف يقول تراه طلب من الأمير
@FUN-ALQALTAH
2 жыл бұрын
تستاهلون
@user-di6vr6ht6w
2 жыл бұрын
@@FUN-ALQALTAH تستاهل الطيب يالامير 🌹🌹🌹
@majedalmajed7796
2 жыл бұрын
اللي دخل الزير في نص الطاروق مهندس شعري
@karimbenataiba6172
Жыл бұрын
افكار مطلق او السواط والله اعلم
@mansoreaa
10 ай бұрын
اظن انه كان بارد وبعد ماسخنوه دقو فيه .
@user-xr1zd6jw4i
2 жыл бұрын
آه آه بس
@user-yl4dz3wl3w
11 ай бұрын
اول جلوس على الارض وهم كبار الشعراء والان كنب وهم ربع شعراء الماضي الجميل مع احترامي للجميع راح فن القلطه تسمع شعر بدون صراخ ولا ازعاج جمهور متهور لا يعرف من الشعر الا العنصريه والتحدي على احسن موال
@sssh836
2 жыл бұрын
ابو. خالد منور لو تحط اسم فن القلطه واحد يكفي. ويكفي لحفظ الحقوق برضو مجرد اقتراح لا غير
@FUN-ALQALTAH
2 жыл бұрын
هذا ( لوقو) ثابت فالبرنامج كل ماقلت ابشيله نسيت، لكن الآن، واشكر لك ملاحظتك
@aoufalqahtani9262
2 жыл бұрын
الله يعطيك العافية مواعدنا تنزل محاورة حبيب وصياف،، صياف يقول لن ولعت نار بن عمار جمر ولهب ، لا يلحس النار غير حبيب العازمي. هذا ابيها تكفى وأبي حبيب وفيصل الرياحي يا سفينة نوح ياللي مع الغبة تعوم ، من سنة سبعين محدن عرف سواقها تففففكا دورها لين تلقاها ونزلها يالأمير والله لا يهينك ويعطيك العافية على مجهودك في احياء ونشر الموروث العريق.
@user-rp8ij1fu7e
10 ай бұрын
خلف بن هذال العتيبي وأحمد الناصر الشايع، على شرف صاحب السمو الملكي الأمير/فيصل بن خالد بن عبدالعزيز ، في المغترة، عام 1405هـ. خلف: ياسلامي وحفّتنا السلامه يصبح الصبح ما أحدٍ مستريح أدْفَعْ الملعبه وأهْمَلْ رِسَنْهَا لين ترجع لنا بأم البنات انتحى الليل وبعير المسامه ضامه الحمل ويقوم ويطيح كل ما طاح في حفره دفنها كم وكم من حفر ومعوّقات أحمد: مرحبا عِدّ هملول الغمامه يضحك اللي ضحك وإلا يصيح كل سلعه تقدّر في ثمنها والدروب الطوال مصلّحات التهامي وصلنا من تهامه ليت له عقل ولسانٍ فصيح قُودها قَود وإلا ذِلّ عنها والعرب واقفينٍ للشمات خلف: شد راس الجمل واقضب زمامه لا تجيك الرياح بكل ريح والعوارف ينشّطني لحنها ياطعم ورد مع سكر نبات لو تقوم الزلازل والقيامه كان جوك أهل الساحل طفيح الجنايز يطاولها كفنها والمنايا كبار ومقبلات أحمد: صاحبي لو درينا وش مرامه كان ناولته العلم الصريح والعرب كل ما يقفي ظعنها يتبعونه مدوّرة الفلاة طحت لك في بحر تسعين قامه تحسب إنك نزلت بقاع شيح كل دارٍ سكنها اللي سكنها وأنـت كنـّك تـحرّى للهوات خلف: جفني اليوم مدري وش علامه ينثر الدمع من قلبٍ جريح قصّة الحب مثلي من لعنها ليتني دافنه قاعة حصاة محزمي قام ياخذ من حزامه ما يبرّق ولا يقلب طريح المعاني يابن عرّاف صنها واخْذها مع طريق مغرّزات أحمد: ميّت الحب يبشر بالندامه ويش لك فيه يالوجه الفليح كل ناسٍ تسيّر في وطنها تكمل الصوم وشروط الصلاة أقبل الشيخ أبو بشت وعمامه مار أظنه على مشيه شحيح العدا تطعنه لن ما طعنها يذبحون الهواوي ذبح شاة خلف: قصة الحب في خدّك علامه وانته أول معك جسمٍ صحيح كفّك اليوم ما تنقص صحنها دوب تستر عظامك بالعباة شالك السيل من جرف لعدامه وش حصل للمناطح والنطيح حبّة البر مثلي من طحنها وانت حَبّه وأبا اجعلها شتات أحمد: صاحبي كل شيٍ باستلامه شايف السمن بكفوفه يسيح لكن أم الكباير من دفنها بالله أعطوني العلم الثبات كل رجّال يعرف من كلامه ما تبيح العباد وتستبيح من هو اللي على صدره حضنها يوم ماتت نَحَسْب الشيخ مات
@MM-iy7ui
2 жыл бұрын
حبة البر مثلي من طحنها !! مدخل قوي على خلف
@user-vo4dg7vx2b
10 ай бұрын
خف علينا يالجبرتي عندك انك فاهم وانت مع جنبها كيف مدخل وضح لنا
Пікірлер: 44