.
الشعر في شرعي فكر .. والفكر بالشرع الاصيـل
نهـج العقـول الناضجـه والعاقليـن أدرى بـهـا
مو شرط من يكتب شعر يدري عن بحـور الخليـل
اللـي يــداوي علـتـك لا تبلـشـه بأسبابـهـا
احد(ن) على الحنده حدا .. وحد(ن) على الشله يشيل
كلـن علـى مـا يكـرب بيوتـه يمـس اطنابـهـا
على سبيل اهل المثـل مانـي مثـل اهـل السبيـل
اللـي معانـي حضورهـا تشبـه معانـي غيابهـا
لا غبت جبت وعادتي لا غبـت مارجـع بالهزيـل
ان جبت اجيب اللي محـد قبلـي بالشعـر جابهـا
تعشقني الفكره بكر .. واسبق لهـا الـوزن الثقيـل
اللـي بنـات افكارهـم مبطـي رميـت حجابـهـا
اهيـم فـي وادي الدهـا واروي حديـث السلسبيـل
يوم ان غيري جامع(ن) كتـب الشعـر يقـرى بهـا
مـا بالقرايـه رايـة(ن) بيضـا ولا منهـا ذبـيـل
لا روحـت خيـل الطـرد تبكـي علـى هذابـهـا
بعض المعاني وقعها اشطر مـن السيـف الصقيـل
يـوم السيـوف مـن الهلـع تثقـل علـى قضابهـا
ناس(ن) على الشعر دخلت والشعر بي منهم دخيـل
يقـول انـا بوجهـك عـن الهزلـه وعـن كتابهـا
ومدام صارت تشكي العلـه مـن اسبـاب العليـل
قـل للجماعـه ترمـي ثيـاب(ن) ماهـي بثيابهـا
ماهي بلحيه طشطشه سيل(ن) من العـارض يسيـل
اسقـى جبـال المملكـه وسهولـهـا وهضابـهـا
فان قيل ابو ظبي ابرقـت وعيـون اهاليهـا تخيـل
قولـو لهـا عينـي لهـا مبطـي تـرف اهدابـهـا
مساكـم الله بـالادب والـذوق والشعـر الجزيـل
من شاعر(ن) صدره يسعى مكه ومـن يسعـى بهـا
شاعر شمالي وقفتـه عـن لابتـه تشفـي الغليـل
يـدرى زعلهـا ويحمـى عنهـا ويخشـى عتابهـا
في ميله عقالـه ثقـه وبفطرتـه صبـر(ن) جميـل
يحسـب مسافـه صيدتـه واليـا رماهـا صابـهـا
انـا البديـل لعمـر بـن كلثـوم لـو مالـه بديـل
لا قامـت فحـول الشعـر تفخـر بطيـب انسابهـا
لا المستحيـل يردنـي ولا ابـن عـم المستحـيـل
يامـا كسـرت القاعـده واخلفـت وجـه اعرابهـا
صدري ليا عليت علـى واليـا استطالـت يستطيـل
امـا استـوت لـي كلهـا ولا بـلاش اشقـا بهـا
عندي قناعـه ظلهـا وافـر ولا لـي فيهـا مقيـل
مامشـي ورى قالـو قبـل واعيـش فـي جلبابهـا
ما من ورى زرع المثل في وقتنا الحاضر حصيـل
من طبق امثـال العـرب هـذا الزمـن يبلـى بهـا
من ذل لـو قالـو سلـم .. يبقـى بنظرتهـم ذليـل
ما تستـوي القمـه تحـت رجليـن منهـو هابهـا
ايه الشجاعه تغلب الكثـره وانـا اعطيـك الدليـل
الذيـب يـدرع بالغـنـم ولا يحـسْـب حسابـهـا
جيت بشموخ الوايلي ما جيت مـن تحـت الشليـل
ولا ردنـي عـن ساحـه الشعـار كبـر القابـهـا
لو كل من اسمه جميل مـن العـرب يطلـع جميـل
كان اكثر اسماء العرب تحميـل صفـات اصحابهـا
ولاينعم بظل النخيـل اللـي تحـت جـذع النخيـل
الشمـس تصقـع هامتـه حتـى يحيـن غيابـهـا
ولاطولت عمر آدمي قولت عسـى عمـرك طويـل
طـول العمـار وقصرهـا رب العبـاد أدرى بهـا
رح ردهـا عنـي وانـا باكبـر عواقبهـا كفـيـل
كـان طلعـت كذبـه فانـا بيـن العـرب كذابهـا
ان الشجاعـه تغلـب الكثـره وهـذا اكبـر دليـل
الذيـب يـدرع بالغـنـم ولا يحـسْـب حسابـهـا
Don3losh
Негізгі бет خلف المشعان - الذيب يدرع بالغنم ولا يحسب حسابها ! HD
Пікірлер: 634