Ауызашар дастарқанына арнайы қатысқан Бас мүфти Наурызбай қажы Тағанұлы облыстағы төтенше жағдай кезінде ортақ істерде белсенділік танытып келе жатқан еріктілерге алғысын айта келе: «Жаратушы Алла Тағала Құран аятында: «Ізгі істерде бір-біріңе жәрдемдесіңдер», - дейді. Пайғамбарымыз (оған Алланың салауаты мен сәлемі болсын) күллі адамзатқа жолдаған өсиетінде ең жақсы адамның бойындағы ізгі қасиетін тілге тиек етіп: «Адамдардың ең жақсысы - адамдарға пайдалы болғандары», - деген. Алла Тағала сіз бен бізді айнала-төңірегімізге пайдалы болған мұсылмандардан еткей. Алла Тағала Құранда «Рахман» сүресінің 60-аятында: «Жақсылықтың қарымы - дәл сондай жақсылық» деп уәде еткендей, жасап жатқан қайырымды істеріміздің қайырын көрейік, бауырлар. Алла Тағала бұл сынақтың соңын жақсылыққа ұластырғай», - деді.
- Ай бұрын
ҚМДБ-ның Бас мүфтиі Қостанай жамағаты мен еріктілерге ауызашар берді.
- Рет қаралды 139
Пікірлер