Алматы полициясына 4 қаңтардан бері адамдардың із-түссіз жоғалғаны жайлы 29 арыз түскен. Айналасы он күнде жоғалған 30-ға жуық адамның әлі жетеуі табылған жоқ. Ал, күні кеше «Сөздің шыны керек» бағдарламасынан «жақынын жоғалтқандарға тегін заңгерлік көмек береміз» деп сұхбат берген заңгерлерге бүгін таңнан бері жүзден астам адам хабарласыпты. Оның басым бөлігі Алматы қаласынан. Жақынын таппай жүрген азаматтардың кейбірі іздеген туыстарының ауруханада жоғалып кеткенін айтады.
Бір күн бұрын ғана Алматы полициясына із-түссіз жоғалған жақынын іздегендерден үш арыз ғана түссе, екі күннің ішінде мұндай шағым саны 29-ға өскен.
САЛТАНАТ ӘЗІРБЕК, Алматы қаласы Полиция департаментінің баспасөз хатшысы:
- Полиция басқармаларына адамдардың із-түссіз жоғалғаны жайлы 29 арыз түсті, 22 адам табылып, 7 адамның қайда жүргені әлі белгісіз.
Яғни, бұл - 4 қаңтардан 14-не дейінгі аралықта жақынын іздегендердің шағымы. Ал, күні кеше біздің арна эфирінен төтенше жағдай режимінде тегін заңгерлік көмек көрсетеміз деп сұхбат берген заңгерлер тобы - таңнан бері жақынын іздеген жандардың қоңырауына жауап беріп, үлгермей жатырмыз дейді.
ҒАБИТ ӨМІРБЕК, Халықаралық заң компаниясының бас директоры:
- Мүлдем қайда екенін білмейтін азаматтар өте көп. Не полициядан біле алмайды. Моргтан, ауруханадан іздеп, заңгерге келіп отыр. Коллективно арыз жолдап жатырмыз. Талдықорған, Семей, Ақтөбе, Семей, Қызылорда қаласынан хабарласып жатқан адамдар өте көп. Көмекшілерімізбен звоноктарды обрабатывать етіп үлгермей жатырмыз.
Бір ғана Алматыдан 50 шақты адам хабарласып, оның 20-ға жуығы жақынын іздегендердің ортақ чатына қосылды дейді Ғабит Өмірбек. Заңгер кеңесін алуға келген Гүлман Дүйсенғожақызы, күйеуін таба алмай жүр. Айтуынша, жеке кәсібі бар күйеуі 5 қаңтар күні жұмысына кеткен. Кейін ауруханаға түскен, бірақ 8 қаңтардан бері еш жерден таппай жүр.
ГҮЛМАН ДҮЙСЕНҚОЖАҚЫЗЫ, Таубай Әбидолланың әйелі:
- Негізі жұмысқа барамын деп кеткен. Сосын халыққа қосылып кеткен. Сол жерден аяғына оқ тиген. Ертесі күні айтты, қорқады деп айтпапты.
СӘУЛЕ ДАРХАНБАЙ, Болат Төлепбергеновтің анасы:
- Балама үйге қайт дегенмін ғой, Алматыда сұмдық жағдайлар болып жатыр, үйге қайт деп. Кеше түсте ДВД-дамын бүгін кешке дейін шығамын деген, жоқ қой содан бері.
Гүлфайруз Әлиева ұлымды полиция үйден алып кетті, бұрын істі болғаны рас, бірақ Алматыдағы аласапыран кезде үйде болған дейді.
ГҮЛФАЙРУЗ ӘЛИЕВА, Қайрат Қанатұлының анасы:
- Көмектесіңізші, мына жерде қатты ұрып жатыр. Мен қиналып кеттім деді. Мен баламды өзім жіберген едім, сұрап жатыр, барып кел деп. Білген жоқпын осылай хабарсыз болады деп.
Ал, Айман Еспембетованың күйеуі келіншегінің туған күніне торт алуға кетіп, ауруханадан бірақ шыққан. Енді ауруханада да жоқ дейді.
АЙМАН ЕСПЕМБЕТОВА, Бауыржан Талғардың әйелі:
- Жұбайымды іздеймін. Бауыржан Талғар. 5 күні менің туған күніме торт алып келемін деп үйден шығып кеткен. Сағат 4-тің шамасында 12-ші ауруханаға оқ жарақатымен түскенін айтты.
Бүгін бұл кісілердің көбі заңгердің кеңесіне жүгіне отырып, құзырлы органдарға онлайн түрде шағым қалдырды. Тіпті, жақындарымыз кінәлі болса, қайсысының қай баппен айыпталып жатқанын білгіміз келеді, егер қамауға алынса, - дейді. Ал, төтенше жағдай режимінде тегін заңгерлік көмек алғысы келетіндер, экранда көрсетілген телефон нөмірлеріне хабарласса болады.
Бізді әлеуметтік желіде оқыңыздар:
KZitem - / channel
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#Алматы #митинг #жоғалғандар
Негізгі бет «Көмектесіңізші, мына жерде қатты ұрып жатыр» Бүліктен кейін із-түссіз жоғалғандар
Пікірлер: 1,2 М.