Жетісу облысындағы Сарқан ауданында қоқыстан басы бөлек, денесі бір бөлек күйінде табылған 5 жастағы қызды өлтірген анасы мен нағашы ағасы сотталды. Бүгін оларға сот үкімі шығып, әрқайсысы 15 жылға темір торға қамалды.
Естеріңізге сала кетейік, осыдан 7 ай бұрын Сарқан қаласының шетіндегі қоқыстан 5 жастағы қыздың мүрдесі табылған болатын. Аружан есімді бүлдіршіннің мәйіті қоқыста 3 ай бойы жатып қалғаны белгілі болды. Мәйітін далада ойнап жүрген балалар тауып алған. Анықталғандай, қызды туған анасы мен нағашы ағасы қылқындырып өлтіріп, қоқысқа тастаған екен. Ал өлтірілген баланы анасы 14 жасында босаныпты. Оны сол кезде ағасы зорлап, жүкті болып қалған. Қазір 20 жастағы анасы үшінші баласына аяғы ауыр. Енді ол бұл сәбиін темір торда дүниеге әкеледі. Айта кетейік, сотталып жатқан Ақниет пен Ақтілек ағайындылар. Олардың ата-анасы қайтыс болған.
НҰРСҰЛТАН ОРЫНБАСАРОВ, Жетісу облыстық сотының ресми өкілі:
- Жас баланы өлтіру фактісі бойынша нағашы ағасы мен шешесіне қатысты сот үкімі жарияланып, оларға 15 жылдан бас бостандығынан айыру жазасы тағайындалды. Толығырақ айтып кететін болсақ, нағашы ағасы мен шешесі алдын ала сөз байласу арқылы жас баланы өлтіріп, денесін қоқыс алаңына қалтырып кеткен. Сот отырысында олар өз кінәларын мойындады.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет Қоқыстан денесі бөлек, басы бөлек табылған 5 жастағы қызды өлтірген анасы мен ағасы сотталды
Пікірлер: 325