Семейдегі Шәкәрім атындағы университеттің студенттерінен білім гранттары қайтарылып алынып жатыр. Жоғары оқу орны тағайындаған гранттардың күшін жаңадан келген басшы еш түсіндірместен жойған. Енді оқуын жалғастыру үшін студенттер оқу ақысын төлеуге, төлей алмаған жағдайда оқудан шығуға мәжбүр болыпты.
Жұмағайша Сағындықованың немересі Абай оқуларының олимпиадасында гран при ұтып алып, грантқа түскен. Бірақ қуанышымыз көпке созылмады. Бір ай өткен соң ешкім, ешнәрсе түсіндірместен грантты қайтарып алды деп өкпелі.
ЖҰМАҒАЙША САҒЫНДЫҚОВА, Ата-ана:
- Грантын неге бұны алып тастадыңыздар десек, ешкім бізге жауап бермейді. Бар берер жауаптары ректор ауысып кетті, ректор ауысып кетті дейді. Бұл ректорға қандай қатысы бар?
Берілген гранттар қайтарылады дегенді естіген студенттер үстімізден жай түскендей болды дейді.
МЕЙІРГҮЛ СЕЙСЕК, 2 курс студенті:
- Бұл ең біріншіден ата - анамызға үлкен соққы болып тиіп жатыр. Неге? Себебі ол ешқандай себепсіз, ешқандай ескертусіз бізге аяқ астынан айтылған жағдай болып отыр. Және де бұл жағдайда біздің айта кететініміз ата- анамызға қазіргі пандемияға байланысты ақша төлеу өте қиын.
ТЕМІРЛАН ТЕМІРБАЙ, 3-курс студенті:
- Сессияға он бес-ақ күн қалды деп айтты. Егер төлемесеңдер оқудан шығарыласыңдар деген сияқты сөз айтқан соң. Әрине мұқтаждықта қалдық, сол себепті төледік.
Білім грантын таратып, артынша қандай себеппен қайтарып алғанын ата-ана мен студенттер тұрмақ университеттің ректор кеңесінің басшысы да білмейтін болып шықты. Бүгінгі күнге дейін алпыстан артық грант таратылса, өкінішке орай жаңа басшылық келіп гранттарды қайтарып алғанын айтады.
МАРАТ ӘБДІКӘРІМОВ, Шәкәрім университеті ректор кеңесінің басшысы:
- Мен ресми түрде ғылыми кеңесте осы ұсыныспен шығып едім басшыға, жаға тағайындалған басшыға. Түсіндіріңіз халыққа. Ресми түрде жазба жазып едім, қызметтік хат. Түсіндіріңіз, болмайды енді. Ал грантты алдық енді қандай жолы бар ол гранттардың орнын жабатын. Мүмкін басқа жеңілдіктер көрсетеміз ба? Мүлдем шауып тастауға болмайды деп санаймын.
Бұл жағдай болғалы бір айға жуық уақыт өтсе де, құжаттарын алмаған студенттер ары қарай не боларын білмейді. Себебі бірінші семестр аяқталып келеді. Егер оқу ақысы төленбесе сессияға кіргізбейді. Ал Шәкәрім университетінің міндетін атқарушы Мұхтар Байжұманов мән жайды түсіндіруге асығар емес.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
Негізгі бет Шәкәрім атындағы университеттің студенттерінен білім гранттары қайтарылып алынып жатыр
Пікірлер: 5