ممكن اسالك عن رايك لو انقبل تخصص اشعه او مختبرات بتقبل ؟ ولا بتكمل تمريض وهل الافضل تخصص تمريض او اخصائي بشكل عام من ناحيه الرواتب والتوظيف؟
@122boali
Жыл бұрын
بحاول اعطيش كل لي اقدر عليه من رأي والخ... لو انقبل اشعه او مختبرات؟ للامانه ماعرف اذا هم تخصص واحد او لا وكذلك الجواب حيل صعب، لكن احس ابي اروح للأشعه احسه مايخوف وفيه حركه اكثر من المختبرات، فيه مكان انا رحته بالمستشفى بقوله عشان توضح الفكره، رحت مكان كان فيه جهاز MRI وكذا ويشوفون المريض يعني فهذا لي اقصد مع ان ان المختبرات حلو بسبب المايكروسكوب بس احسه ممل اكثر هل اروح مكان غير التمريض عشان الاشعه؟ اممم احس لا بسبب ان التمريض يحسسك ان انت مدير وانت كل شيء ومو محصور على مكان معين بالمستشفى وكذلك تودي المريض يسوي اشعه وانت تعطيه ادويه وانت تشوف شنو يحتاج واسوء شيء بالتمريض ولي تنشق الارض وتبلعني عشان مابي اسويه وهو تنظيف المريض من فضلات... ولكن بالنهايه غصب بسويه التمريض لما تتخرح يصير اسمك اخصائي تمريض عام ولكن ممكن لخبطتي بالاسم لان الطبيب العام لي في كلية الطب لما يتخرج يسمونه طبيب عام، وعشان ماترك Gap في الجواب اعتقد كذلك تقصدين متخصص بشكل معين في التمريض يعني كملت ماجستير وهكذا أو اني اضل نفس شهادتي الممرض العام. بالنسبة لي ودي اتخصص في قسم معين ممكن اطفال او اورام ماحددت يعني لكن اكيد بختار اني اكون متخصص بمجال معين بالتمريض التوظيف للتمريض فرصتك مضمونه حسب مانسمع وحسب احتياج السعوديه للمرضين حتى لو كان بعد 5 سنين يزال فيه احتياج للتمريض ولكن الاشعه ماعندي اي معلومات عنها من ناحية التوظيف للاسف بالنسبه للراتب كل مستشفى وكل مكان يختلف راتبه ولكن حسب لي وصلني انه يبدأ من ٩ الاف بالشهر تقريبا وانت طالع. الاشعه ماعندي علم للاسف ولكن توقعي بيكون مقارب للتمريض بضيف معلومه سمعتها من دكتور جانا عن تخصص المختبرات بالنسبه اذا شخص اخذو منه عينة عشان يكتشفون اذا عنده سرطان هذول حقين المختبرات يقول انهم يحطون العينه في جهاز وكذا يعني بعدين يعطون العينه الى الطبيب لي متخصص بالاورام تقريباً كذا يعني شوي دوره مو نفس ماودنا بس يعني مادري اذا هالكلام صحيح ولكن معلومه انشاءالله تفيد
Пікірлер: 22