ആഗോളതലത്തിൽ കണ്ണിചേർക്കപ്പെട്ട കേരളത്തിലെ അടിമത്തം: Vinil Paul
About the speaker
വിനിൽ പോൾ, ഡൽഹി ജവഹർലാൽ നെഹ്രു യൂണിവേഴ്സിറ്റിയിൽ ചരിത്ര വിഭാഗത്തിലെ ഗവേഷണ വിദ്യാർത്ഥിയാണ്. ബ്രിട്ടീഷ്കാർ ആഗോളതലത്തിൽ കേരളത്തിലെ അടിമത്തത്തിനെ ബന്ധിപ്പിച്ചതെങ്ങനെയെന്നും, അതു വഴി രൂപംകൊണ്ട നിയമങ്ങളെയും കുറിച്ചാണ് ഗവേഷണം നടത്തുന്നത്..ദേശീയ-അന്തർദേശീയ സെമിനാറുകളിൽ കേരളത്തിലെ അടിമത്ത സംബന്ധിച്ച പേപ്പറുകൾ അവതരിപ്പിചിട്ടുണ്ട്. പിയർ റിവ്യൂഡ് ജേര്ണലുകളിലും, കേരളത്തിലെ മുഖ്യധാര വാരികകളിലും കേരളത്തിലെ അടിമത്തം, ജാതിയുടെ സാമൂഹിക ചരിത്രം, മിഷനറി പ്രസ്ഥാനങ്ങൾ തുടങ്ങിയവെയെ കുറിച്ചു നിരവധി ലേഖനങ്ങൾ എഴുതിയിട്ടുണ്ട്..
About the topic
ജാതി മേൽക്കോയ്മ നിലവിലുണ്ടായിരുന്ന സമൂഹത്തിൽ അടിമ വ്യവസ്ഥ സാധ്യമല്ല എന്നുള്ളവാദമായിരുന്നു ഇന്ത്യയിലെ സാമൂഹിക ശാസ്ത്രർക്കിടയിൽ വ്യാപകമായി നിലവിൽ ഉണ്ടായിരുന്നത്. പ്രത്യേകിച്ച് കേരളത്തിൽ ഇത് കൂടുതൽ ശക്തമായിരുന്നു. ഈ എതിർപ്പ് ആകട്ടെ വേണ്ടത്ര ആധികാരിക രേഖകളുടെ സഹായത്താൽ രൂപം കൊണ്ടതുമല്ലായിരുന്നു. കേരളത്തിലെ അടിമകളെ വിദേശത്തെക്കു കയറ്റുമതി ചെയ്തിരുന്നില്ല, അവരെ ചങ്ങലയിൽ ബന്ധിച്ചിരുന്നില്ല തുടങ്ങിയ പക്വതയില്ലാത്ത വാദങ്ങളായിരുന്നു അവർ ഇതിനായി നിരത്തിയിരുന്നത്. ജാതി അടിമത്തത്തിനു കീഴിൽ അടിമജാതികൾ അനുഭവിച്ച പീഡനങ്ങളും മറ്റു സാമൂഹിക അനുഭവങ്ങളെയും റദ്ദാക്കുക എന്നത് അവരുടെ എക്കാലത്തെയും ലക്ഷ്യമായിരുന്നു. കേരളം എന്ന സമത്വസുന്ദര രാജ്യത്തിന്റെ ചരിത്രനിർമ്മിതിക്കായി അവർ കീഴാളർക്കായി മോശം ചരിത്രങ്ങൾ (Bad Histories) മാത്രമാണ് പറഞ്ഞുകൊണ്ടിരുന്നത്. അങ്ങനെ അവർ ജാതി പീഡനത്തിന്റെ ചരിത്രം മറച്ചുപിടിച്ചു. അതോടൊപ്പം തന്നെ ഈ എതിർപ്പിലൂടെ ഒരു വിഭാഗം ആളുകൾ മറച്ചു വെയ്ക്കാൻ ശ്രമിക്കുന്നതാകട്ടെ കേരളത്തിൽ അടിമത്തത്തിന് എതിരായി പ്രവർത്തിച്ച മിഷനറി പ്രസ്ഥാനങ്ങളുടെ ചരിത്രത്തിനെയാണ്. നാട്ടുരാജ്യങ്ങളിൽ ക്രൂരമായി നിലനിന്നിരുന്ന അടിമത്തത്തിനു എതിരായി രംഗത്തു വന്ന ഏക പ്രസ്ഥാനം എന്നത് മിഷനറി മാരുടെ കൂട്ടായ്മ ആയിരുന്നു. മിഷനറി പ്രസ്ഥാനത്തിനെ ഒഴിവാക്കികൊണ്ടു കേരളത്തിന്റെ ആധുനികത പറയാൻ സാധ്യമല്ല. ഇത്തരം ഒഴിവാക്കലുകളുടെ സാഹചര്യത്തിൽ ആധികാരിക രേഖകളുടെ സഹായത്തോടെ കേരളത്തിന് അകത്തും, പുറത്തും നടന്ന അടിമ കച്ചവടത്തിന്റെ ചരിത്രമാണ് ഇവിടെ അവതരിപ്പിക്കുന്നത്..
Негізгі бет കേരളത്തിലെ ചങ്ങല വച്ച അടിമത്തം,ആഗോളതലത്തിൽ കണ്ണിചേർക്കപ്പെട്ടത്: Vinil Paul
No video
Пікірлер: 317