Астана қаласы Әзірет Сұлтан мешітінің наиб имамы Бақытжан қажы Өткелбаев студиямызға келіп, мейрамға қатысты бірнеше сұрақтарға жауап берді.
Ғани Өтепбайұлы, тележүргізуші
-Бақытжан аға, қысқаша ғана айтыңызшы. Халықты мазалайтын өзі нақты екі ақ сұрақ. Қандай мал құрбандыққа шалынады? Және ет кімге қалай таратылады??
Бақытжан қажы Өткелбаев, «Әзірет Сұлтан» мешітінің наиб имамы
-Шариғатымыздың бекітуі бойынша төрт түлік малдан құрбандық шалынады. Ол қой, ешкі, сиыр және түйе малы. Түйе малы 5 жасар, сиыр малы 2 жасар, қой малы мен ешкі малы 1 жасар болуы керек. Дегенмен 6 айлық семіз тоқты болатын болса, оны да құрбандыққа шалуға болады. Екінші мәселе, құрбандық еттерін егер мал иесінің өзінде жағдайы бар болатын болса, түгелдей халыққа бергені абзал. Жоқ жерге құрбандық етінің көбірек барғаны дұрыс. Бірақ өзі де мұқтаж болатын болса, бір бөлігін үйінде қалдырып, екінші бөлігін ағайын, туған-туысқанды шақырып, құрбандық етінен дәм татқызып, үшінші бөлігін жоқ-жетікке, әлеуметтік аз қамтылған отбасыға тарқатып берсе, абзал болады.
Ғани Өтепбайұлы, тележүргізуші
-Және соңғы сұрақ, бұл шараларды қадағалап отырғандар бар ма?
Бақытжан қажы Өткелбаев, «Әзірет Сұлтан» мешітінің наиб имамы
-Әрине, Астана қаласының әкімшілігі, әрбір қалада әкімдіктер құрбандық шалатын орындарды белгілейді. Сондай-ақ тазалық жұмыстары, қауіпсіздік және басқа да жағдайлар жасалған. Ал енді ҚМДБ, мешіттер, біздер құрбандық шалудың діни рәсімге сай болуын қадағалаймыз.
Негізгі бет Құрбандыққа қандай мал шалынады және ет кімге таратылады?
Пікірлер