اختبار كبس المحرك ممكن يتم باكتر من طريقة سواء بالعدادات او بجهاز تشخيص الاعطال او عن طريق استخدام scope
مثلا فى الاكتروس والنقل عموما وحتى فى الملاكى
اختبار كبس المحرك بيتم بطريقة تانية بدون استخدام عدادات ضغط ( جهاز كبس المحرك) والطريقة دي بتم عن طريق الكهرباء (من خلال حساس الكرنك ) يقدر يحدد من خلالها كبس المحرك
وده بيكون اسمه Relative Compression Testing
وفى اجهزة بتقوم بعمل الاختبار زى ( DAS/XENTRY )
من خلاله بيقدر يحسب كفاءة المحرك ويظهر كفاءة الاسطوانات كنسبة مئوية
وممكن يتم زى برده من خلال scope بان يتم توصيل current clamp على كابل البطارية وتوصيل قناة اخرى ل scope على ترتيب الاشعال لتحديد رقم الاسطوانة
لان عزم المارش بيتناسب الامبير المسحوب من البطارية وده بيكون متوقف على حالة المحرك وبالتالى يمكن عمل اختبار كبس للمحرك من خلال الامبير للمارش .
والفيديو ده بيوضح بالتفصيل استخدام • How to perform a compr...
فى الملف ده بيشرح طريقتين Relative Compression Testing
بناء على التيار او الفولت
autoditex.com/.....
وفى اختبار الكبس باستخدام العدادات ليه 2 طريقة استخدام
- فى حالة عدم تشغيل المحرك وده اسمه (Cranking Compression Test
) وان بعتمد على الكبس من خلال المارش وده اللى بيكون موجود قيم reference فى service manual تقدر ترجع لها عشان تقرر حالة المحرك
- النوع التانى اسمه Running Compression Test
وده بيتم والمحرك فى حالة تشغيل وبيتم توصيل العداد فى الاسطوانة اللى عايز اعملها اختبار
*** اهم من الاختبار هو تحليل نتائج الاختبار وتحليل الارقام
- نسبة الاختلاف بين قراءت الاسطوانات لا تتعدي نسبة 10 : 15 % من الرقم القياسى
- لو فى قراءة اسطوانة اقل من المسموح بيتم وضع كمية زيت لو الكبس رفع يبقى تهريب فى شنابر ومكبس الاسطوانة
- لو قراءة اسطوانتين جنب بعض اقل من المسموح يتم مراجعة تسريب فى جوان وش السلندر
🎯🎯 النقطة الاهم فى الاختبار وتقدر تحدد بيها لو الكاتينة مظبوطة ولا لا هى لو قراءة كل الاسطوانات اقل من المسموح وبعد وضع كمية زيت نفس التاثير هيكون السبب مشكلة فى الكاتينة تقديم او تاخير وبالتالى تقدر تفك وتراجع على الكاتينة .
🎯 لو قراءة العدادات اكبر من القيم الموصى بها والموجودة فى service manual دي مش حاجة حلوة خالص و كدا فى مشكلة فى المحرك سواء وجود كربون على المكبس وهو اللى بيسبب رفع قسمة الكبس او تسريب زيت نتيجة تاكل جانبى للشنابر والشنابر فى الوقت ده تدخل زيت يرفع من كبس المحرك بس ف نفس الوقت هيبقى فى ملاحظة اختلاف فى معدل استهلاك زيت المحرك
* بالنسبة لاختبار الكبس باستخدام جهاز اختبار كبس المحرك (العدادات ) الناس اللى بتقيس وبعد كدا تقول كفاءة المحرك نسبة مئوية كام ده فتى واى كلام بيتقال
وخصوصا فى البيع والشراء
لانه لازم يكون عنده reference لقيمة الضغط الموصى بها من الشركة وبعد كدا يحسب ضغط كل اسطوانة ويحدد قيمة الضغط ويحسبها بالنسبة للضغط الموجود فى service manual وبعد يحسب كفاءة الكلية للمحرك .
لو عنده reference يرجعله بعد حساب حالة المحرك يقدر يحدد نسبة الكفاءة .
Негізгі бет اختبار كبس المحرك
No video
Пікірлер: 5