ლიტერატურული გადაცემა "წახნაგები" რუბრიკით Omnia vincit amor (ყველაფერს ამარცხებს სიყვარული) გთავაზობთ საუბარს სიყვარულზე დაწერილ ერთ-ერთ ყველაზე უცნაურ წიგნზე, უილიამ ფოლკნერის შედევრზე - "სული რომ ამომდიოდა" და მის ცენტრალურ პერსონაჟზე - ადი ბარდენზე, მრავალშვილიან დედაზე, რომელმაც ცოდვის შვილი, ჯუილი გამოარჩია და ყველაზე უფრო შეიყვარა; გარდა ამისა, დაიბარა, ჩემს ნათესავებთან დამკრძალეთო. და დაიწყო მისი კუბოს ოდისეა ვიდრე ჯეფერსონამდე - მოგზაურობა სავსე ფათერაკებითა და მოულოდნელობებით. რატომაა უკანონო სიყვარული ნამდვილი და კანონიერი - უზნეო, რას ნიშნავს დედის სიყვარული, რომელსაც სიცოცხლეში ვერ უპასუხა შვილმა და ეს ვალი მიცვალებულს დაუბრუნა, რატომ ამოიღო შუა რომანში ხმა მიცვალებულმა - ყველაფერ ამაზე იქნება საუბარი გადაცემაში.
Негізгі бет კუბოდან შემოთვლილი სიყვარული
Пікірлер: 14