Тойға тек екпе алғандар ғана бара алады деген бас санитар дәрігердің қаулысын көп азамат құлаққа ілмейді. Әсіресе, танымал адамдар кемі жүз адамдық той-томалақта думандатып жүр. Экс-шенеунік Иманғали Тасмағамбетов, Өскеменнің әкімі Жақсылық Омар, композитор Алтынбек Қоразбаев, әнші Қайрат Нұртастар халық әртісі Досхан Жолжақсыновтың мерейтойын қызыл аймақта тұрған Алматыда дүркіретіп өткізді. Ал, бас санитар дәрігер жиырма жетінші қыркүйектен бастап қызыл аймақты тұрған өңірлерде той-томалаққа тек екпе алған елу адамға ғана кіруге рұқсат деп қаулы шығарған. Алайда, жауаптылардың өзі Досхан Жолжақсыновтың мерейтойында карантиндік талаптың бұзылғанын анықтамапты.
Әлеуметтік желіде тек ресми ақпарат таратып отыратын Президенттің Баспасөз хатшысы Берік Уәлиден бастап, Алматы қалалық әкімдігінің шенеуніктері де мерейтойда билеп жүр. Алматы мен елорданың бұрынғы әкімі, бұрынғы қорғаныс министрі, экс-шенеунік Иманғали Тасмағамбетов, Өскемен қаласының әкімі Жақсылық Омар да осы тойдың құрметті қонақтары. Қазақ киносының танымал әртістері мен қазақ эстрадасының белгілі әнші-бишілері де осында.
Туған күнінің қарсаңында Президенттің жарлығымен Отан орденін алған Досхан Жолжақсынов тойына тек 80 орынға тапсырыс бергенін айтты. "Барлық туған-туыстарым мен қонақтар вакцина алғанын білемін" деген халық әртісі тойды ешкім келіп тексерген жоқ деді.
ДОСХАН ЖОЛЖАҚСЫНОВ, ҚР Халық әртісі, театр және кино актері:
- Негізі біз 80 деп қойғанбыз. Бір 4-5 дастарханымыз сиреп қалды. Вакцина алғандар барлығы, түгел. Енді санитарлық жағының барлығы керемет сақталды!
Алайда, тойда бетперде киіп жүрген адам байқалмайды. Той Алматы қаласының Алмалы ауданындағы банкет залының бірінде өткені белгілі. Алайда, Алмалы аудандық әкімдігінің шенеуніктері карантинтік талаптың бұзылған-бұзылмағаны туралы тіс жармады. Айта кетейік жиырма жетінші қыркүйектен бастап қызыл аймақтағы өңірлерде 50, жасыл аймақта 100, сары аймақтағы өңірде 70 адамға ғана той жасауға рұқсат. Жиынға тек екпе алған азаматтар ғана кіре алады.
.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар #Ақиқатын_Айтайық
Негізгі бет Қызыл аймақтағы дүбірлі той
Пікірлер: 235