Қызылорда қаласында жүзге тарта теміржол вагонын жөндейтін жұмысшы жалақыларын көтеруді талап етеміз деп мекемеден қуылды. Сөздерінше азаматтар Алматыдан төрт жылда бір келетін "АГМ табыс" жауапкершілігі шектеулі серіктестігінің президентіне мардымсыз айлықтың мәселесін айтпақ болған. Ал басшы болса қарапайым жұмысшылармен бір мәмілеге келудің орнына "жұмыстан кетіңдер" деп қудалады дейді. Бұған ашынған көпшілік көшеде тұрып наразылық білдірді.
Алматыдан араға неше жыл салып бүгін басшысымыз келгенде айлық мәселесін айтып арыздандық дейді жұмысшылар. Бірақ президент азаматтардың айтқанын құлағына да ілмеді деп ашулы. Тіпті бір тоқтамға келместен көпшілікті осылай сыртқа куған деп отыр. Ал айлықты көтерсін дегендердің бәріне жұмыстан шығасыңдар деген басшының өктем сөзі вагон жөндеушілерді одан сайын ашындырған.
МЕЙРАМБЕК ҚЫСТАУОВ, ағаш өңдеуші:
- Үлкен президент Алматыдан келіп түсті де, кім жұмыс істегісі келмейді воротадан шығыңдар деп ашты өзі есікті. Уволень деді, біз шығып кеттік қалғаны қалды іште.
Содан бері мекеменің алдында тұрған "АГМ табыс" жауапкершілігі шектеулі серіктестігінің жүздеген жұмысшының негізгі талабы біреу. Ол жалақыларын екі есеге көбейту. Өйткені жұмыстың ауырлығы сонша қыстың қытымыр аязына, жаздың аптабына қарамай вагондарды жөндейміз дейді жұмысшылар. Әрбір тапсырысты орындағаны үшін мекемеге миллиондаған қаражат түседі екен. Соның өзінде қарапайым азаматтардың алып жүрген айлықтарының ең көбі 150 мың, ал азы 70 мың теңге ғана екенін айтады. Тіпті кейде бір ай бойы 10 мың теңгеге де жұмыс істеген күндеріміз болды дейді. Айтуларынша, бұл мекемеде жұмысшылардың еңбек демалысына шығудың өзі мұң.
СӘБИТ ӨМІРЗАҚОВ, электрик:
- 19-дан бері біз қарық қылып отпускнойымызды да алған жоқпыз. Мына жігіттер біле ме? Бір жылда 9 күн дейді, екінші жыл өтті 15 күн деді. Одан кейін 20 күн. Қалған ақшамызды көріп жатқан жоқпыз.
Бұл мәселенің егжей-тегжейін анықтау үшін компанияның есігін қағып көрдік. Алайда жұмысшылары күні бойы көшеде телміріп тұрған компанияның күзетшілері түсірілім тобын кіргізбеді. Ең қызығы, мәселені айтып жиналған вагон жөндеушілер мен басшы арасындағы дауға бітім жасауға келген әкімдік өкілдері де мекеменің табалдырығынан әрі аттай алмады.
Ал жалақы сұраймыз деп жұмыстарынан айырылғалы тұрған көпшілік талаптарының орындалғанын қалайды.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет Қызылордада жалақы көтеруді талап еткен азаматтар жұмыстан қуылып жатыр
Пікірлер: 176