In Loving memory of
(L) N. Khupminthang
Ka Angkawi
Sungkim laikuang uumbang i khawl lai in,
Gibang khen nang kawl ni hung suah;
Thianmang hun guatsa thuang hung tung ta,
Peel theihlou in na pham ta mo,
Singsung mite, na vontawite'n,
Khulsiih tan gdin ka phaltheil ou uh,
Gelsau ngam lang damlai hinkhua,
Zua tellou a ka mang diing uh.
Chorus:
Na thai lianu senmomnoute'n
Haambang vai na kumkhua sawt ta,
Ka phal theilou khulsiih tang ding
Ka angkawi ngaih zuang hung thou kiit aw.
Tangbang dam diing deih in vaimang saulim,
Zuan in limsing bang i bel a,
Kinepna bei suulkiit leel ing,
Thianmang kei tan lai a na e
Ka sang ngamlou laidip a dap,
Ngaih toh samgi bang kikhen mei hi
Taikhua vaah in tongdon thei lou,
Ngaih aw lumsuang bang na pou ta.
Hun leh kumte hung dawn thah kiitjeel in,
Malai khankhua a hung lang jeel;
Ka ngai ngei e i nunlui liamsa,
Nang ngaih ngilh ni aum theilou,
Senmomnoute'n hai bang hung ngaah,
Khomual tungpan hung galdot jing hi
Khoi a vaibang tham den na tai,
Sulhung hei aw kung ngaah jing uh.
Nuai simlei tung ah gibang khen jong,
Hundam tate lenna vangkhua
iit leh ngaihteng deih chibang kim na,
Kei jong thung tun kal ngaah la'ng e
Vaan khopi siangthou nunnuam ah,
Dawnbang kituah ni diing ngaahlah in
Tung thianmang gam nuam ka tun chiang,
Kap lai naubang baang ta ning e.
Негізгі бет KA ANGKAWI || Muan Hangzo || In Loving memory of (L) N. Khupminthang
Пікірлер