ले बता संग री सखी, किण बिद पड़सी पार,
घर नार स्यू प्यारी हैं, साजन सौध कटार।।
साजन सौध कटार, आर सोतन बन बेठी,
करे काजळे वार, सजन रे संग संग बेठी।।
साजन साधन ने सखी, रिझ रिझ करू श्रंगार,
सगला कामण काटदै, ओघड़ बड़ी कटार,
ओघड़ बड़ी कटार, कर कर कोतक रिझावे,
जठ जठ जावे लार, सजन रे साथे जावे।
थे आज रा आयोड़ा, करज्यो हिवड़ै चेत,
रजपूत अर कटार रो, घणो पुरानो हेत,
घणो पुरानो हेत, हेत यो टूटे कोन्या,
चिप्यो प्रेम रो प्रेत, छुड़ाया छूटे कोन्या।।
थे म्हैलां म राज रमो, निरखो बाग बहार,
अबखि बेला रण माही, आवे काम कटार।
आवे काम कटार, समर में जबरी नाचे,
साजन जीते रार, जीत रा डंका बाजे।
दिग्विजय सिंह गोगटिया
Негізгі бет एक मार्मिक गीत 'कटार'
No video
Пікірлер: 12