ብክልተ ኣእዳዉ ማይክን ብረትን ዓትዒቱ ንስለ ህዝቡ ተቓሊሱ። ኣብ ሚድያ መዘራረብቲ ዝኾኑ ተኣምራውያን ጀጋኑ እግሪ እግሮም እናሰዓበ ፀብፂቡ። ንነፈርቲ ብቁምቡላ ዝቖልቡ፣ ነሰላሳ ታንኪ ብኣርፒጂ ዘባርዑ፣ ንፀላእቲ ከም ቆፅሊ ዘርገፉ ሰራሕቲ ታሪኽ ቃለ መሕትት ገይሩ። ብፍላይ ድማ ኣብ ከባቢ ዓሳጊታ ዓፋር ዝተወቐዐት ብበዝሒ ዝተርኣየት ሄሊኮፕተር ንኽትቅረፅ ዝገበረ ንሱ እዩ። ኣብ ብዙሓት ክሊፓትን ሚድያታትን ዝረአዩ ጀጋኑ ኾኑ ውዕሎ ግንባራት መብዛሕትኦም ኢድ እዚ ሃብሮም ኣለዎ። ልዕሊ ክልተ ግዜ ናብ ኣፍ ፀላኢ ኣትዩ(ምስ ፀላኢ ክሳብ ምዝርራብ በፂሑ) ብተኣምር ድሒኑ። ከም ጋዜጠኛ ብድሕሪ ተጋዳላይ ዘይኮነስ ኣብ ጎኒ ተጋዳላይ ኮይኑ ናብ ሓዊ ኣትዩ ብምቅላስን ብምስናድን ታሪኽ ኣመዝጊቡ እዩ፤ ተጋዳላይን ጋዜጠኛን ምሩፅ ታረቀ። ንሎማዓንቲ ዘደምም ዛንታ ከውግዐና እዩ ንከታተሎ።
Негізгі бет "ካብ ፍሉያት ጀጋኑ - ክሳብ ምሕምሻሽ ሄሊኮፕተር ዝሰነደ ምዑት ጋዜጠኛ!"
Пікірлер: 97