Ad awen-buddeɣ tizlit-agi "SEMMEḤ-IYI" n Ḥasan AḤRES.
Ssarameɣ ad iliɣ di lmendad-nwen ay imeddukal !
SEMMEḤ-IYI
Rwel ula d kemm fell-i
Uqbel ad kem-tenteḍ
Ma tḥuza-kem ur tesɛi ddwa
Ur d-ssilqiq di tayri
Deg wul ad tt-id-tesewweḍ
Fiḥel ad tt-id-tsewweḍ
Γas tewwa ad am-id-tban teɛṣa
Ayen akk tesɛedda fell-i
Ur ttɛemmideɣ ad t-tjerbeḍ
Semmḥeɣ-am ruḥ eǧǧ-iyi
Semmḥeɣ-am ruḥ eǧǧ-iyi
Semmḥeɣ-am ruḥ eǧǧ-iyi
Ḥess-iyi-d qbel ad truḥeḍ !
Ayenni yakk i y-iǧǧan
Di ddunit ur t-tɣelteɣ
Yal iḍ ad yi-d-yawi ṭṭlam
Zzman-nni ideg ay ḥemmleɣ
Ma d kemm i d-wwin wussan
Deg uzal i kem-id-mlaleɣ
Yak wid n tayri-w ɛeddan
Di tirga-w i ten-ẓerreɣ
Tnudaḍ-iyi-d, ufiɣ-kem
Amzun tesliḍ-d i usiwel-iw
Lebɣi-w icudden ɣur-m
S lqis tezgiḍ-d i lxaṭer-iw
Ul-iw idehhu yes-m
Mi ara tiliḍ gar wallen-iw
Tidet ad iyi-tettezzem
Ttkellixeɣ deg yiman-iw
Simmal ad ttwaliɣ deg-m
Ittzad yirrij i tmes-iw
Yexleḍ layas d usirem
Rɣiɣ ɛemmdeɣ i ccyaḍ-iw
Fehmeɣ-kem qbel ad d-theḍreḍ
Ssneɣ-kem qbel ad nemlil
Di ccfayat-iw tzedɣeḍ
Γas ul-iw ur kem-yeɛqil
A ttwaliɣ deg-m tayeḍ
Deg-s tcubaḍ s lkil
Ḥemmleɣ akken i tḥemmleḍ
Tettzad skud nettemlil
Yettɣaḍ wul-im ad tεeggbeḍ
S tayri-m ur nettɛeṭṭil
Fehmeɣ kul mi ara yi-d-tmuqleḍ
Teẓriḍ nekk yid-m aḥlil !
Ẓriɣ ur yi-tettdumuḍ ara
Ad truḥeḍ ula d kemmini
D acu ara y-id-yexdem wass-a
D acu yi-d-yeǧǧa yiḍelli
Ruḥ kan axir s teḍsa
Qbel ad taɣ deg-m ad temɣi
Ul-iw si tayri yeḥfa
Yekfa-t ṣṣdid n tayri
Fiḥel ad d-negri di nndama
Tewɛer mi ara d-testeqṣi !
Neḍmeɛ tafsut di ccetwa
Nettɣaḍ kemm d nekkini
Tḥesleḍ-iyi di tgersi
Ur tebliɛeḍ ur d-tekkiseḍ
Γas ma tessedhuyeḍ-iyi
Ma ulac-ikem ad iyi-txaṣṣeḍ
Ttxil-m ur ttnadi fell-i
Di tirga ad yi-d-temlaleḍ
Kellex-as ula d kemmini
I wul-im qbel ad t-tkellxeḍ
Neɣ ad ɣ-tcudd tannumi
Ad d-taf abrid ad ɣ-tenṭeḍ
Semmḥeɣ-am ṛuḥ eǧǧ-iyi
Semmeḥ-iyi qbel ad truḥeḍ
Semmeḥ-iyi qbel ad truḥeḍ
Негізгі бет Kader HADJI -SEMMEḤ-IYI-
Пікірлер: 6