TILEMẒIT
Akken kan i d-tger tara
Rran-d ẓẓerb i tmuɣli
Muggren-tt-id s tmucuha
Tid umi ur tessin tikli
Zuznen-tt deg uzal deg tirga
Fursen tagnit ur teẓri
Temẓi tamcumt d nneyya
Nutni ad as-id-bdun lemɛani
Leɛwayed-nneɣ d lḥerma
Ad am-neg leqrar a yelli
Rẓent wallen-is deg leḥya
Tettizwiɣ izemm yimi
Imi as-nnan ha-t-aya
Ssuq nefra-t iḍelli
Nekkni ay nextar d ccetla
D adrum mechuren deg Tizi
Zzher-im mačči d kra
Necreḍ imawlan qeblen
A lwiz acḥal d ssiɣa
Ccac d win ɣlayen
Ad tedduḍ ass n tmeɣra
S lbarud d yiḍebbalen
Ma d asmi i tt-ṭṭfent tuɣmas
N temɣart akked yilewsan
Yelli-tneɣ yeḥkem fell-as
Ad teddu akken i as-id-nnan
Wa d lqanun ɣef tullas
D imezwura i t-id-yeǧǧan
Tura tewḥel s dderya
Meskint zelgen wussan-is
Ggtent fell-as tlufa
Yettwarez ula d argaz-is
Yebḍa gar wul d tasa
Wiss leɛqel ma ad as-yaf ixef-is
Imeslayen : Lḥasen Ziyani
Ccna d uẓawan : Ali IDEFLAWEN
Негізгі бет Kader HADJI "Tilemẓit"
Пікірлер: 3