Дәмханалар мен мейрамханалардағы даяшылардың көрсеткен қызметіне тұтынушылар ақы төлеуге міндетті емес. Бірақ қалың көпішілік бұл жайлы біле бермейді. Сондықтан тұрғындар өздері барған көпшілік орындарда ішіп-жемінен бөлек, ол жердің қызметі ұнасын-ұнамасын 10 немесе 15 пайыз көлемінде ақша төлеп жүр. Тіпті бұл еш жерде жазылмаған ережеге айналған. Сонымен бұған байланысты заңгерлердің пікірі қандай? Кәсіпкерлер не дейді?
Елімізде дәмханалар мен мейрамханаларға барған тұрғындар онда өздерінің алған ас-ауқаты мен суындардың ақшасынан бөлек, оның 10-15 пайызын сол орынның қызметі үшін төлейді. Мұндай қызмет ақы бұрыннан қалыптасқан. Сондықтан көп жерде мейрамхана иелері де қосымша ақша төлеу керектігін ешкімге ескертпейді. Ал тұрғындар сол орынның қызметі көңілінен шықпаса да, оны үн-түнсіз төлеуге үйреніп қалған.
Ал Қызылорда қаласындағы дәмханада әкімші болып жұмыс істейтін Ардақ Мұратұлы қызмет үшін 15 пайыз ақы төленетінін кез келген қонаққа келгеннен-ақ ескертеміз дейді. Тіпті олар мұндай ескертуді ас мәзірінің астына да жазып қойған. Егер тұтынушы осыған келіссе, соған лайық қызмет көрсетуге тырысамыз дейді.
АРДАҚ МҰРАТҰЛЫ, дәмхана әкімшісі:
- 15 процентті біз келгендерге алдын ала ескертеміз. Сіз столға отырайын деп жатырсыз, біз қызметке 15 процент аламыз деп. Ас мәзірімізде тамақтарға біздің қызмет бағасын қосып жіберсек ол өте қымбат болып кетеді.
Алайда тұтынушыға осындай қосымша ақшаны міндеттеп төлету туралы заң да ереже де жоқ дейді заңгерлер. Сондықтан дәмханаға барған азамат бұл ақыны төлемеймін десе де өз еркі.
ӘЙГЕРІМ ІЛИЯСОВА, заңгер:
- Кафелер қосымша ақы алатындығы туралы алдын ала хабарлауға міндетті. Бұл мәзірде немесе кейбір белгілерде көрсетілуі керек. Сонымен қатар пайыздық мәнде көрсету заңсыз болып табылады. Қызмет құнын теңгемен көрсетуге міндетті.
Заңгерлердің айтуынша, егер дәмханалардағы қызмет сапасы тұтынушының көңілінен шықпаса, төлеген қосымша ақысын сот арқылы өндіруге де болады.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет Кафе-ресторанға барып, даяшының 10 пайыздық ақысын қалай төлемеуге болады?
Пікірлер: 34