🛡️ Әлихан Бөкейхан Университетінің Әскери кафедрасында қаңтар оқиғалары кезінде қаза тапқан ҰҚҚ шекара әскерінің капитаны Жандос Жағалбаевтың есімімен аталған аудитория салтанатты түрді ашылды.
⭐ Капитан Жандос Мұхтарұлы Жағалбаев Әлихан Бөкейхан Университетін 2017 жылы "Құқықтану мамандығы бойынша тәмамдаған. Ол сондай-ақ университеттің Әскери кафедрасының түлегі. Алматы қаласында 7 қаңтар күні ҰҚҚ академиясын лаңкестер шабуылынан қорғау кезінде ерлікпен қаза тапты.
🔸Бұған дейін Университеттің Ғылыми кеңесінің 2022 ж. 11 қаңтардағы шешімімен Жандос Жағалбаевтың ерлігіне құрмет ретінде Әскери кафедрада жауынгер атындағы арнайы аудитория ашу туралы бастама көтерілген еді.
🔹Аудиторияның салтанатты ашылуына Жандос Мұхтарұлының ата-анасы, қарындасы мен туыстары, университет басшылығы мен профессор оқытушылар құрамы, сондай ақ шақырылған қонақтар - Шығыс әскери қолбасшылығының, ҰҚҚ шекара әскерінің, Ардагерлер кеңесінің өкілдері, ауған соғысының ардегерлері, Жандостың курстастары, мұғалімдері мен университет студенттері, БАҚ өкілдері қатысты.
🌟 Аудиторияға Жандос Мұхтарұлының наградалары, әскери формасы мен фотосуреттері, жеке заттары қойылды.
✨ Аудиторияның ашылу салтанатына қатысқан студенттер жауынгерді бір минут үнсіздікпен еске алып, оның ата-анасына салтанатты марш арқылы құрмет көрсетті. Университет ректоры мен сөз алған қонақтар да Жандос Мұхтарұлының әке-шешесіне патриот, әрі нағыз Ер азамат тәрбиелегендерді үшін алғыстарын білдірді. Әскери кафедра басшылығы "Әскери кафедраның құрылғанына 5 жыл" естелік медалін табыстады.
⭐ Іс шараға қатысқан меймандар аудиторияның ашылу салтанатына жас ұрпақты еліне адал, сертіне берік азаматтар ретінде тәрбиелеуге үлкен үлес қосатын шара ретінде баға берді.
#ӘлиханБөкейханУниверситеті #ABU #ABUSemey #BokeikhanUniversity #AlikhanBokeikhanUniversity #Semey #Semsk #Fcity #ГородF #ABUMediaTeam
Негізгі бет Капитан Жандос Жағалбаевтың атындағы аудиторияның ашылу рәсімі
Пікірлер: 3