15-may kuni Toshkentdagi Book.uz kitoblar do‘konida taniqli jurnalist, yozuvchi, shoir va tarjimon Karim Bahriyevning “So‘z erkinligi haqida so‘z” 1-2-kitoblari taqdimoti bo‘lib o‘tdi. Bu haqda Vatandosh TV muxbiri xabar berdi.
“So‘z erkinligi haqida so‘z” kitobi Karim Bahriyev tomonidan ilk bor 2000-yillarda yozilgan va Soros fondining moliyaviy ko‘magida chop qilingan. U yagona shior bilan yozilgan - keling, halol, to‘g‘ri yashaylik, haqiqatni gapiraylik! Unda hech qanday isyonkor va xalqqa qarshi fikrlar yo‘q edi. Xalq munosib yashashni xohlaydi va uning ustidan kamroq hukmronlik qilishlarini xohlaydi. U o‘zining bo‘ysungan holda qolishini xohlashi mumkin emas. Aksincha, xalq aynan demokratiyaga tayyor va uni xohlaydi. U buni xohlamasligi mumkin emas.
Kitob ilk bor chop qilingan vaqtlarda keng jamoatchilik tomonidan juda iliq kutib olingan. Ba’zi kitobxonlarning xotirlashicha, o‘sha vaqtlarda kitobni do‘konlardan topolmaganlar uni nusxa ko‘chirib olish orqali o‘qishgan. Taniqli sotsiolog Ma’rufoy To‘xtaxo‘jayeva esa kitobga “Sorosning so‘nggi o‘qi” deya ta’rif bergan edi.
Biroz vaqt o‘tib “So‘z erkinligi haqida so‘z” kitobi norasmiy taqiqqa tushgani va ko‘p yillar qayta chop etishga ruxsat berilmagani haqida ma’lumotlar bor.
“Yangi asr avlodi” nashriyoti tomonidan chop qilingan “So‘z erkinligi haqida so‘z” 1-2-kitoblari o‘sha - avvalgi nashrning to‘ldirilgan, muallif tomonidan keyinchalik yozilgan ko‘plab maqola va publitsistik materiallar, OAVdagi turli chiqishlarda bildirilgan fikrlar to‘plami hisoblanadi.
Taqdimot tadbiri davomida yozuvchilar, jurnalist, huquq himoyachilari, shuningdek, muallifning yaqinlari va muxlislari ishtirok etdi. Ular tomonidan Karim Bahriyevning shaxsiyati, ijodi, faoliyati va kitoblari tahlil qilindi.
Karim Bahriyevning “So‘z erkinligi haqida so‘z” 1-2- hamda “Betoqat” 1-2-kitoblari ayni vaqtda sotuvda va uni kitob do‘konlaridan xarid qilish mumkin. Shu o‘rinda eslatma, ushbu kitoblar moliyaviy sabablarga ko‘ra, atigi 500 nusxada chop qilingan.
Tadbirdan so‘ng Vatandosh TV muxbiri muallif bilan bilan yangi nashr qilingan kitoblar, O‘zbekistonda so‘z erkinligi, bu borada yomonlashib borayotgan vaziyat va shuningdek, Karim Bahriyev so‘nggi vaqtlarda OAVda nega kam ko‘rinish berayotgani sabablari yuzasidan qisqa suhbat o‘tkazdi.
Telegram 👉 t.me/vatandosh_tv (@vatandosh_tv)
TikTok 👉 / vatandosh.tv
Instagram 👉 / vatandosh_tv (@vatandosh_tv)
KZitem 👉 / @vatandosh_tv
Facebook 👉 fb.com/vatando...
Негізгі бет Karim Bahriyev - O'zbekistonda senzura, reytingdagi pasayish va OAVda chiqmayotgani haqida
Пікірлер: 93