หนุ่มนั่งเศร้า เฝ้าคิดถึงแฟนสาว คิดถึงภาพความหลังที่เคยนั่งกินป่นปูเผ็ดๆ กินจนน้ำตาไหล
ก็ช่วยเช็ดน้ำตาให้กัน แต่ตอนนี้สาวคนรักหนีไปอยู่บางกอก ทำให้กินไม่ได้นอนไม่หลับ เป็นห่วงแฟนสาว
กลัวจะโดนหลอก จึงอ้อนวอนพระท่านให้ช่วยคุ้มครองสาวด้วย
คึดฮอดผู้ลังคน
คำร้อง / ทำนอง : ขุน ธนวินท์ เรียบเรียง : สวัสดิ์ สารคาม
จับโจกขึ้นมา แล้วต่งน้ำตาเจ้าของที่หล่น
ย้อนว่าคึดฮอดผู้ลังคน ที่เคยจ้ำป่นกะปูนำกัน
เทิ่งแซบเทิ่งเผ็ด สองเฮาเซ็ดน้ำตาให้กัน
บนเถียงนามาเลี้ยงงัวนั้น บัดนี้จอมขวัญหนีไปบางกอก
มื้อเจ้าจากนา อ้ายบ่กินปลา กินน้ำ กินข้าว
นอนบ่ได้ใจคึดฮอดเขา กราบพระบนเจ้าอย่าให้เขาถืกหลอก
อยู่ดีกินดี คึดฮอดแน่ตี๊คนอยู่บ้านนอก
อย่าได้หลงกลิ่นไอบางกอก อ้ายย่านเขาหลอกปอกกินไข่แดง
* หัวใจอ้ายจ่ม งมนำแต่ผู้ลังคน
หากเจ้าเป็นเหยื่อโจร แล้วผู้ลังคนสิอยู่จั่งใด๋
ย้อนคึดฮอดแฮง จนอ้ายนอนแคงต่งน้ำตาไหล
คันบ่ต่งถิ่มน้ำตาท่วมใจ ย้อนคึดฮอดไผฮอดผู้ลังคน
จับแว่นขึ้นมา แล้วส่องเบิ่งหน้าเจ้าของที่เศร้า
เงาตัวเองเบิ่งเป็นเงาเขา ดีใจเผลอเว้ากับเงาของตน
จำได้บ่เจ้า ที่สองเฮานั่นเคยจ้ำป่น
เผ็ดจนฮ้องไห้ฮูดใบกระโดน คึดฮอดหน้ามนคนเซ็ดน้ำตา
(ซ้ำ*)
#คึดฮอดผู้ลังคน #รักแท้ไทยนิยมRsiam #2021ยังฟังอยู่
Негізгі бет Музыка คึดฮอดผู้ลังคน : รักแท้ ไทยนิยม [Official MV]
Пікірлер: 65